19.12.2025 | 19:47
Քննարկվել են մայրաքաղաքում երթևեկության ծանրաբեռնվածության նվազեցմանն ուղղված առաջարկներն ու իրավիճակային լուծումները
«Ռեֆերենդում անեի՞նք». Անդրանիկ Քոչարյանը՝ Թուրքիայի հետ հարաբերությունների հաստատման որոշման մասին․ ՏԵՍԱՆՅՈՒԹ
Քաղաքականություն
14.12.2021 | 12:22
ՀՀ ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը հայտնում է, որ հայ-թուրքական հարաբերությունների հիմնական տիրույթը լինելու է տարածաշրջանի հետ կապված հարցերի քննարկումը: Քոչարյանն այս մասին նշեց խորհրդարանում լրագրողների հետ ճեպազրույցում:
Հայտնի էր դարձել, որ Հայաստանն ու Թուրքիան երկխոսության համար հատուկ ներկայացուցիչներ կնշանակեն:
«Չավուշօղլուն հայտարարեց, որ Հայաստանի հետ խոսելու անհրաժեշտությունը կա»,- Քոչարյանը՝ հավելելով, որ այդ երկխոսության համար երկու կողմից կնշանակվեն մարդիկ:
Քոչարյանի խոսքով՝ երբ կհնչեցվի այդ անձի անունը, լրագրողները հնարավորություն կունենան հետաքրքրող հարցերի պատասխանները ստանալ հենց գործընթացի սկզբում:
Թե ինչու որոշվեց Թուրքիայի հետ հիմա երկխոսություն սկսել, Քոչարյանը դա հիմնավորեց առաջացած անհրաժեշտությամբ:
«Տարածաշրջանի հետ կապված հարցերի քննարկում է լինելու բնականաբար հայ–թուրքական հարաբերությունների հիմնական տիրույթում»,-նշեց պատգամավորը:
Մանրամասները՝ տեսանյութում:
