17.12.2025 | 23:30
ՌԴ-ն երկրորդ անգամ է հայտարարել Կուպյանսկի նկատմամբ վերահսկողության մասին
Ալեն Սիմոնյանի հրաժարականը պահանջելը շոու է. Արուսյակ Ջուլհակյան․ ՏԵՍԱՆՅՈՒԹ
Քաղաքականություն
13.12.2021 | 12:01
«Ընդդիմությունը ընտրություններից հետո զբաղված է շոուներ և պերֆորմանսներ բեմադրելով: Ալեն Սիմոնյանի հրաժարականի հարցը օրակարգ բերելն էլ այդ շոուների շարքից է»,- ԱԺ-ում ճեպազրույցի ժամանակ այս մասին նշեց «Քաղաքացիական պայմանագիր» խմբակցության պատգամավոր Արուսյակ Ջուլհակյանը՝ հավելելով, որ չի պատրաստվում կողմ քվեարկել ԱԺ նախագահի հրաժարականի վերաբերյալ նախագծին:
Ջուլհակյանն ընդգծեց, որ «Հայաստան» դաշինքը գերիների հարցը բացառապես քաղաքական շահարկումների համար է օգտագործում.
« Իմ այս խոսքն ապացուցում է նաև այն փաստը, որ «Հայաստան» խմբակցությունը հրաժարվել է միջազգային պատվիրակություններում իր մասնակցությունից, հրաժարվել է տարբեր երկրներում մեր միջազգային գործընկերներին ՀՀ խնդիրների մասին տեղեկացնելուց,այդ թվում՝ գերիների հարցը միջազգային հարթակներում բարձրացնելուց: Մենք գործուղումների չենք գնում զվարճանքի կամ զբոսանքի համար, այլ գնում ենք Հայաստանի խնդիրները բարձրացնելու և Հայաստանի շահը սպասարկելու:
Մենք կարող ենք արձանագրել, որ « Հայաստան» դաշինքը հրաժարվում է Հայաստանի շահը սպասարկելուց, լքում է արտաքին ճակատի խրամատը, իսկ գերիների հարցը բացառապես ներքաղաքական հարցի է վերածել և Հայաստանի ներսում մեր հանրության համար շոուներ կազմակերպելու համար է օգտագործում»,- նշեց Ջուլհակյանը:
Մանրամասները՝ տեսանյութում:
