17.12.2025 | 15:44
Նպաստի նոր տեսակ՝ երեխա ունեցող ընտանիքների համար․ փոխնախարարը մանրամասնում է․ ՏԵՍԱՆՅՈՒԹ
«Մենք լավ գիտենք, թե Աֆրինը ում ենք հանձնելու». Էրդողանի պատասխանը՝ Լավրովին
Քաղաքականություն
10.04.2018 | 20:04
Թուրքիայում շարունակում են արձագանքել Ռուսաստանի Դաշնության արտգործնախարար Սերգեյ Լավրովի հայտարարությանը, որտեղ ռուս պաշտոնյան հույս էր հայտնել, որ Թուրքիայի զինուժը Աֆրինը կհանձնի Սիրիայի կառավարական ուժերին. տեղեկացնում է ermenihaber-ը:
Թուրքիայի փոխվարչապետից հետո թեմայի շուրջ խոսել է Թուրքիայի նախագահ Ռեջեփ Թայիփ Էրդողանը, իշխող «Արդարություն և զարգացում» (AKP-ԱԶԿ) կուսակցության ժողովի ժամանակ։
«Դա սխալ դիրքորոշում է։ Մենք լավ գիտենք, թե Աֆրինը ում ենք հանձնելու։ Սիրիան այժմ գտնվում է նաև այլ երկրների ձեռքում, թող նախ նրանք խոսեն այդ տարածքները Սիրիային հանձնելու մասին։ Նրանց այն հայտարարությունը, թե մի շարք տարածքներ Սիրիայի կառավարական ուժերին է հանձնվել, մեզ համար համոզիչ չեն։ Երբ ժամանակը գա, մենք անձամբ Աֆրինը կհանձնենք աֆրինցիներին և ժամկետներն էլ մենք կորոշենք, այլ ոչ թե հարգելի Լավրովը»։
Հիշեցնենք, որ Մոսկվայում տեղի ունեցած մամուլի ասուլիսի ժամանակ Լավրովը մասնավորապես ասել էր. «Թուրքիայի նախագահ Ռեջեփ Թայիփ Էրդողանը երբևէ չի ասել, թե Թուրքիան ցանկանում է օկուպացնել Աֆրինը: Այս պահին, երբ թուրքական կողմի ներկայացուցիչները հայտարարում են, որ հիմնականում հասել են Աֆրինի հետ կապված իրենց նպատակներին, մենք մտածում ենք, որ Աֆրինում իրավիճակը կարգավորելու ամենապարզ ճանապարհը այդ հողերի վերահսկողությունը Սիրիայի կառավարությանը վերադարձնելն է»:
