02.03.2026 | 16:32
Իրանից 312 մարդ է տարհանվել Ադրբեջանի սահմանով
Թուրքիան ահաբեկիչներին քիմիական զենք է տրամադրում. ՄԱԿ-ում Սիրիայի ներկայացուցիչ
Քաղաքականություն
10.04.2018 | 19:03
ՄԱԿ-ում Սիրիայի մշտական ներկայացուցիչ Բաշար Ջաֆերին մեղադրել է Թուրքիային, ԱՄՆ-ին, Ֆրանսիային և Կատարին՝ ահաբեկիչներին քիմիական զենք տրամադրելու մեջ. փոխանցում է ermenihaber-ը:
ՄԱԿ-ի անվտանգության խորհրդի՝ սիրիական հարցի վերաբերյալ նիստում ելույթ ունեցած Ջաֆերին մասնավորապես ասել է․ «Մենք ուղղակիորեն մեղադրում ենք Դոհաին, Անկարային, Վաշինգտոնին և Փարիզին այն բանի համար, որ այսօր «Ջեյշ-ալ-իսլամ» («Իսլամական բանակ») և «Ալ-Նուսրա» խմբավորումների և նրանց հետ կապված տասնյակ այլ խմբավորումների ձեռքում քիմիական զենք կա»,- հայտարարել է Ջաֆերին։
Նա հավելել է, որ այդ երկրները ուղղակիորեն հեղինակն են այն արյունոտ քաղաքականության, որի նպատակը Սիրիայի ինքնիշխանության տապալումն է։ Ջաֆերին ընդգծել է նաև, որ սիրիական պետությունը որևէ քիմիական զենք չունի։
