19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Մոսկվայում տեղի է ունեցել «3+3» հարթակի առաջին նիստը. ինչ հարցեր են քննարկվել
Քաղաքականություն
10.12.2021 | 19:39
Մոսկվայում այսօր տեղի է ունեցել «3+3» տարածաշրջանային հարթակի առաջին հանդիպումը՝ ՌԴ-ի, Ադրբեջանի, Հայաստանի, Թուրքիայի փոխարտգործնախարարների և Իրանի ԱԳՆ գլխավոր տնօրենի համանախագահությամբ։ Այս մասին գրում է ՌԻԱ Նովոստին՝ վկայակոչելով ՌԴ ԱԳՆ հայտարարությունը։
Նշվում է, որ Վրաստանի ներկայացուցիչները ևս հրավիրվել են, սակայն ձեռնպահ են մնացել հանդիպմանը մասնակցելուց։
«Նիստի ընթացքում քննարկվել են տարածաշրջանային բազմաբնույթ համագործակցության զարգացման հեռանկարները: Պայմանավորվածություն է ձեռք բերվել կենտրոնացնել հարթակի աշխատանքը պրակտիկ հարցերի ուղղությամբ, որոնք հետաքրքրություն են ներկայացնում բոլոր մասնակիցների համար։ Դրանց թվում են վստահության բարձրացման, առևտրատնտեսական, տրանսպորտային, մշակութային և հումանիտար ոլորտներում փոխգործակցության, ընդհանուր մարտահրավերներին և սպառնալիքներին դիմակայելուն ուղղված միջոցառումները»,- ասվում է հայտարարության մեջ։
Մասնակիցները նաև հետաքրքրություն են ցուցաբերել հարթակի աշխատանքներին Վրաստանի միանալու հարցում, որի համար «դռները միշտ բաց են մնում»:
Քննարկվել են նաև հետագա աշխատանքի ծրագրերը՝ «համապատասխան նախարարությունների և գերատեսչությունների հնարավոր ներգրավմամբ»։
Էմմա Չոբանյան
