Քաղաքականություն
10.12.2021 | 18:24
Թուրքիայի անվտանգության ուժերը չորս կասկածյալի են ձերբակալել՝ երկրի հարավարևելյան Սիրտ քաղաքում անցկացված նախագահ Ռեջեփ Թայիփ Էրդողանի հանրահավաքի վայրում պայթուցիկ սարք տեղադրելու համար, որը կարող էր պայթել հավաքի ընթացքում։ ՌԻԱ Նովոստիի փոխանցմամբ՝ այս մասին հայտնել է թուրքական NTV հեռուստաալիքը՝ վկայակոչելով ոստիկանությունում իր աղբյուրներին։
Ավելի վաղ Թուրքայի իշխող կուսակցության փոխնախագահ Համզա Դաղը հայտնել էր, որ պայթուցիկ սարքը ոստիկանության մեքենայի տակ տեղադրվել է Մարդինում, ցանկացել են այն պայթեցնել, երբ մեքենան Սիրտ հասնի։ Մեքենան խուզարկելիս ռումբը հայտնաբերվել և ոչնչացվել է սակրավորների կողմից։
Ձերբակալվածներից երեքը, հեռուստաալիքի հաղորդմամբ, արդեն խոստովանական ցուցմունք է տվել։
Հիշեցնենք, որ պայթուցիկ սարքը շաբաթ հայտնաբերվել էր ոստիկանական մեքենայի տակ, որը պետք է հսկողություն իրականացներ նախագահ Էրդողանի հանրահավաքի ժամանակ։
Էմմա Չոբանյան
