19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Հայտնի չէ` օմիկրոնով վարակվելու դեպքում պատվաստանյութերն ինչ ազդեցություն կունենան. Փաշինյան․ ՏԵՍԱՆՅՈՒԹ
02.12.2021 | 11:23
ՀՀ Կառավարության նիստի մեկնարկին վարչապետ Նիկոլ Փաշինյանն անդրադարձավ երկրում կորոնավիրուսով պայմանավորված իրավիճակին:
«Նոր տիպի կորոնավիրուսի հետ կապված ունենք իրադրության մեղմացում: Բայց, մյուս կողմից՝ սա որևէ բան չի նշանակում այն իմաստով, որ նոր շտամ է հայտնաբերվել՝ օմիկրոն կոչվող, որը դեռևս Հայաստանում չի հայտնաբերվել, բայց դեռևս հստակ չէ՝ նոր շտամն ինչ ազդեցություններ կարող է ունենալ, վարակված մարդիկ ինչպիսի ծանրությամբ կտանեն հիվանդությունը: Պարզ չէ նաև, թե պատվաստանյութերի ազդեցությունն ինչպիսին կլինի, հետևաբար առաջիկայում մենք պետք է չթուլացնենք մեր զգոնությունը, մինչև այս նոր շտամի հետ կապված իրադրությունը լավանա»,- ասաց Փաշինյանը:
Խոսելով պատվաստումային գործընթացի մասին՝ Փաշինյանը նշեց, որ երկու պատվաստում ստացածների թիվը հատել է 480 հազարի շեմը:
«Բացի շաբաթ-կիրակի օրերից, մեզ հաջողվում է օրական 20 հազարից ավելի պատվաստումներ իրականացնել: Հիվանդանոցային կարողությունների լարվածություն էլ էականորեն նվազել է»,- ասաց Փաշինյանը:
Մանրամասները՝ տեսանյութում:
