30.04.2024 | 16:48
Գագիկ Խաչատրյանը շտապօգնության մեքենայով բերվեց դատարան, նիստն ընթանում է դռնփակ
ԱՎԾ-ն հրապարակել է քովիդից մահացած անձանց տվյալներ, 700-ով շեղում ունենք ԱՆ-ի տվյալներից. Փաշինյան․ ՏԵՍԱՆՅՈՒԹ
25.11.2021 | 12:11
Վիճակագրական կոմիտեն հրապարակել է Հայաստանում կորոնավիրուսից մահվան թվերը, մոտ 700 դեպքով շեղում է արձանագրվել վիճակագրության մեջ։ Այս հարցին կառավարության այսօրվա նիստում անդրադարձավ վարչապետ Նիկոլ Փաշինյանը։
«Հրապարակված տվյալները Առողջապահության նախարարության կողմից նախկինում հրապարակված տվյալների հետ ունեն որոշակի շեղում, և այս առումով նշանակված է քննություն, որպեսզի մենք պարզենք, թե ինչն է մահերի վիճակագրությունների տարբերությունը։ Պետք է հասկանանք, վերստուգենք, թե այդ մահերից որքանն է իրոք եղել Covid-ի հետևանքով, որքանը՝ այլ պատճառով, պարզապես նախկինում կորոնավիրուսով վարակված քաղաքացիների շրջանում։ Ըստ էության, մոտ 700 տարբերություն ունենք»,- ասաց Փաշինյանը։
Նա նաև հավելեց, որ այս իրավիճակն ամենայն լրջությամբ պետք է քննել, հասկանալ, թե որտեղ է եղել, որ ուղղակի բացթողում է եղել ընթացակարգերի. «Կպարզենք՝ արդյոք որևէ չարամտություն եղել է որևէ մեկի կողմից՝ որևէ տվյալ թաքցնելու։ Եթե կպարզվի, որ չարամտություն կա, չարամտության հեղինակները պետք է պատասխանատվության ենթարկվեն։ Ի վերջո մահերի պատճառահետևանքային կապը պետք է արձանագրվի, որովհետև եթե որևէ քաղաքացի Covid-ով դրական թեստ է ունեցել և դրանից 25 օր հետո մահացել է՝ առանց հիվանդանոցային բուժում ստանալու, դա մի քիչ տարօրինակ իրավիճակ է, կարող է այլ պատճառ ունենալ։ Հիմա մանրամասն ուսումնասիրություն է իրականացվում»։
Մանրամասները՝ տեսանյութում:
