02.04.2025 | 23:22
Երևանում և 9 մարզում էլեկտրաէներգիայի անջատումներ կլինեն
Չկա ղարաբաղյան հարցի հայանպաստ կամ ադրբեջանանպաստ լուծում․ կա լուծում կամ չլուծում․ Փաշինյան․ ՏԵՍԱՆՅՈՒԹ
Քաղաքականություն
17.11.2021 | 17:30
Մինչ մենք խոսում ենք խաղաղության մասին, Ադրբեջանը ռազմական նոր սադրանքների է դիմում մեր սահմանի երկայնքով:Այս մասին ԱԺ-ում Կառավարության հետ հարցուպատասխանի ժամանակ ասաց «Քաղաքացիական պայմանագիր» խմբակցության պատգամավոր Սոնա Ղազարյանը և հարց ուղղեց Նիկոլ Փաշինյանին.
«Սա մեզ ի՞նչ հետևությունների պետք է հանգեցնի, որո՞նք պետք է լինեն մեր քայլերը այս պայմաններում»:
Փաշինյանն պատասխանեց, որ ինքը շատ լավ հասկանում է՝ խաղաղության դարաշրջան բացելը հեշտ չի լինելու. «Դրա համար մեզ պետք են ամուր նյարդեր: Մենք նաև ընդգծել ենք, որ խաղաղ զարգացման դարաշրջան բացելը միայն մեզանից չի կախված: Մենք ասել ենք՝ լինելու են գործողություններ, որոնց նպատակն է առաջին հերթին ապացուցել մեր հանրությանը, որ խաղաղ զարգացման դարաշրջանը հնարավոր չէ:
Սա ցույց է տալիս, որ այդ ամենը մեր օրակարգն է և քանի որ մենք դա ընդունել ենք որպես ռազմավարություն, պետք է հետևողականորեն գնանք այդ օրակարգի հետևից»,- նշեց վարչապետը:
Ըստ Փաշինյանի՝ ԼՂ հարցի կարգավորման բանակցային ողջ գործընթացում հայկական կողմը անարդար է համարել միջազգային հանրության դիրքորոշումները և ընդհանրապես լսելի չի համարել հակառակորդի դիրքորշումները. «Ստացվել է այնպես, որ մեր դիրքորոշումները իքս պահից սկսել է չլսելի լինել միջազգային հանրության կողմից: Հնարավոր չէ այն հարցերը, որոնք վերաբերում են միջազգային օրակարգին, վերցնել և չափել միայն սեփական արշինով։ Կարելի է անել դա, բայց հաջողություն և լուծում չի բերի»:
Նիկոլ Փաշինյան խոսքով՝ Ղարաբաղի հարցի բանակցային գործընթացում հայկական կողմը հաջողություն չի ունեցել, որովհետև մեր ընկալումներն ընկալելի չեն եղել միջազգային հանրության համար: «Ես դեռ Ադրբեջանի մասին չեմ խոսում, միջազգային հանրության ընկալումներն էլ ընկալելի չեն եղել մեզ համար: Մենք ունեցել ենք ձևակերպում՝ Ղարաբաղի հարցի հայանպաստ լուծում, և բոլորս նվիրված ենք եղել դրան, բայց մենք հաշվի չենք առել, որ միջազգային հանրությանը ոչ թե հայանպաստ լուծումն է հետաքրքրում, այլ՝ Ղարաբաղի հարցի լուծումը»,- ասաց վարչապետը և ընդգծեց, որ չկա ղարաբաղյան հարցի հայանպաստ կամ ադրբեջանանպաստ լուծում․ կա լուծում կամ չլուծում:
Մանրամասները՝ տեսանյութում:
