07.11.2024 | 18:32
Ակնայում ադրբեջանցի զինծառայող է ինքնասպան եղել
Կանադայում վերջին 100 տարվա ընթացքում վատթարագույն տարերային աղետն է գրանցվել
Քաղաքականություն
17.11.2021 | 16:39
Կանադայի Վանկուվեր քաղաքում տեղացած տեղատարափ անձրևի պատճառով խափանվել է ավտոմոբիլային ու երկաթուղային հաղորդակցությունը։ Պաշտոնյաները տարերային աղետն անվանել «վերջին 100 տարվա ընթացքում վատթարագույնը», գրում է BBC News-ը։
Անցած օրվա ընթացքում ջրհեղեղներն ու սողանքները փակել են Բրիտանական Կոլումբիայի ափերի ու ներքին տարածքների միջև ընկած ճանապարհների մեծ մասը: Վատ եղանակի պատճառով հազարավոր մարդիկ ստիպված են եղել լքել իրենց տները։
Մայրուղու վրա գրանցված սողանքի հետևանքով մի կին է մահացել. ոստիկանությունը չգիտի, թե քանի մեքենա կարող է վնասված լինել ճանապարհներին հեղեղումների ու սողանքների պատճառով, և չեն բացառում, որ աղետի հետևանքով կարող են լինել նաև այլ տուժածներ։ Փրկարարների տվյալներով՝ առնվազն երկու մարդ անհետ կորել է։
Կանադայի ամենամեծ նավահանգիստը՝ Վանկուվերը, դադարեցրել է գործունեությունը:
Մերիթ քաղաքում տարհանում են բոլոր յոթ հազար քաղաքացիներին։ Այստեղ փլուզվել է կամուրջը, վնասվել է կոյուղին։ Փրինսթոն քաղաքում ամբարտակ է պայթել. բնակավայրը մասամբ հեղեղված է։ Սողանքի պատճառով արգելափակված Աղասիզ քաղաքի բոլոր 300 բնակիչներին ուղղաթիռներով տարհանել են։
Բրիտանական Կոլումբիայի որոշ հատվածներում տեղումները հասել են մինչև 252 միլիմետրի:
Մանրամասները՝ տեսանյութում։
#BCStorm update: Crews completed an aerial inspection this morning of our power lines along Highway 1 just east of Sumas in #Abbotsford affected by flooding. We’re continuing to post the latest outage updates here: https://t.co/nxhBxNPfKJ pic.twitter.com/VPxjGXDZqi
— BC Hydro (@bchydro) November 16, 2021
Տաթև Ֆռանգյան
