Դիրքեր ենք կորցնում, զինվորը հրահանգներ չի ստանում․ պատասխա՛ն պիտի տան, ոչ թե պաշտոնանկ արվեն․ Արամ Սարգսյան․ ՏԵՍԱՆՅՈՒԹ

Լուրեր

17.11.2026 | 15:43
2026-ին ՔԿՀ-ներում մահվան 4 դեպք է արձանագրվել․ ՀԿ-ները մտահոգություն են հայտնում
17.11.2026 | 15:34
Բնական է, 10 բալանոց խցանումը նյարդայնացնում է ոչ միայն տիկին Հակոբյանին, այլև բոլորիս. Ավինյան․ ՏԵՍԱՆՅՈՒԹ
17.11.2026 | 15:26
Պրահայում երկու ուղևորատար գնացքների բախման հետևանքով 46 մարդ է տուժել․ ՏԵՍԱՆՅՈՒԹ
17.11.2026 | 15:24
Ալիկ Սարգսյանի անվան հետ կապվող ընկերությանը ձևական մրցույթով հատկացված 3,6 մլրդ դրամի հողերի վարձակալությունն անվավեր է ճանաչվել
17.11.2026 | 15:18
6 ամսով ձերբակալված Ուսման Նուրմագոմեդովն ազատ է արձակվել ԱՄԷ-ում
17.11.2026 | 15:11
ՀՀ-ն և ՌԴ-ն երկաթուղու հարցն են քննարկում // Գերմանիայի ԱԳ նախարարը Հայաստան կգա․ ԼՈՒՐԵՐ
17.11.2026 | 15:00
Հինգ եվրոպական երկրներ միգրանտներին կարտաքսեն Ռուանդա․ այնտեղ միգրանտների կենտրոն են բացում
17.11.2026 | 14:51
Կրեմլը հայտնում է, որ Պուտինին զեկուցել են Ղրիմի կամրջի շուրջ ստեղծված իրավիճակի մասին
17.11.2026 | 14:49
Սամվել Կարապետյանի գործով դատական նիստը. ՈՒՂԻՂ
17.11.2026 | 14:42
Մեծ Բրիտանիան ողջունում է Հարավային Կովկասում խաղաղության հաստատման ուղղությամբ արձանագրված առաջընթացը
17.11.2026 | 14:34
Հոկեյի կանանց ԱՄՆ-ի հավաքականը պաշտպանել է աշխարհի չեմպիոնի տիտղոսը. ՏԵՍԱՆՅՈՒԹ
17.11.2026 | 14:25
Տենց «շյուստրի» քա՞նի եղբայր եք. մեզ մանդատ են տվել, քանի որ դեմ ենք. Քրիստինե Վարդանյան․ ՏԵՍԱՆՅՈՒԹ
17.11.2026 | 14:13
Ադրբեջանում առաջարկել են դադարեցնել ռուսերենով կրթության ֆինանսավորումը պետբյուջեից
17.11.2026 | 14:04
Ասում եք` հլը սպասեք, ՌԴ-ն ձեզ գցելու է Զելենսկու վիճակի մեջ, հետո գնում ՌԴ ասում` արա՛, քո քայլն է․ Մարիա Կարապետյան․ ՏԵՍԱՆՅՈՒԹ
17.11.2026 | 13:53
Մեսրոպ Մանուկյանի ճեպազրույցը. ՈՒՂԻՂ
Բոլորը

Factor TV-ի հարցազրույցը «Հանրապետություն» կուսակցության նախագահ Արամ Սարգսյանի հետ

-Պարո՛ն Սարգսյան, պաշտպանության նախարար Արշակ Կարապետյանն ազատվել է զբաղեցրած պաշտոնից և նրան կփոխարինի փոխվարչապետ Սուրեն Պապիկյանը։ Համարո՞ւմ եք համարժեք այս նշանակումը՝ հաշվի առնելով, որ Սուրեն Պապիկյանը զինվորական անցյալ չունի, զինվորական չէ։ 

-Ես, մեղմ ասած, Նիկոլ Փաշինյանի կադրային քաղաքականությունից հիացած չեմ ընդհանրապես։ Դժվարանում եմ այդտեղ պատճառահետևանքային որևէ կապ գտնել։ Հավանաբար, վարչապետը համարել է, որ այդ պաշտոնում իրեն պետք է ոչ թե զինվորական, այլ շատ վստահելի, հուսալի մարդ։ Ես այն կարծիքին չեմ, որ պատերազմական այս իրավիճակում խնդիրներն այդ կարգով պիտի լուծվեն, բայց սա էլ պաշտպանության չորրորդ նախարարն է, որը նշանակվում է՝ անկախ նրանից, որ մենք պատերազմի մեջ ենք եղել։ Չորս պաշտպանության նախարար փոխելն այս ընթացքում համարում եմ Հայաստանի համար շռայլություն, անկախ նրանից՝ պատերազմ եղել է, թե՝ ոչ։

-Մոռացաք նշել, որ գրեթե նույնքան էլ ԱԱԾ տնօրեն է փոխվել․․․

-ԱԱԾ տնօրեններին նույն կերպ, իսկ ՊՆ-ն՝ առավել ևս, որովհետև այստեղ հստակ նախարար է, և պիտի նայել, թե այս փոփոխությունների, խնդիրների արմատը որտե՞ղ է։ Իսկ, միգուցե, դրա արմատը Սահմանադրության մե՞ջ է։ Չէ՞ որ նախկին նախարար Դավիթ Տոնոյանը բարձրաձայնեց այդ մասին։ Մեր պարտության պատճառների մի մասն էլ այդտեղ է, որ այս նոր Սահմանադրությամբ պատերազմական իրավիճակներում գլխավոր որոշումներն իրականացնում է Գլխավոր շտաբի պետը։ Խառնաշփոթ է առաջացել։ Հիմա Հայաստանի սահմաններում տեղի ունեցողը պատերազմակա՞ն իրավիճակ է, թե՞ ոչ։ Այդ իրավիճակում որոշումները կայացնում է Արտակ Դավթյա՞նը, թե՞ արդեն պաշտոնաթող պաշտպանության նախարարը։ Սրանք խնդիրներ են, հարցեր, որոնց պիտի պատասխան տրվի։ Այս հարցերն օրենսդրական են, և ճիշտ կլինի՝ իշխանությունն անդրադառնա այս խնդրին։ Իրավիճակ է ստեղծվել, որի արդյունքում մենք դիրքեր ենք կորցնում, որ հայ զինվորն իր կանգնած դիրքերում կոնկրետ հրահանգներ չի ստանում ամենաքիչը, սա պիտի իշխանություններին հետևությունների տեղիք տար։ Դա ոչ միայն փոփոխությունների պիտի բերեր, այլև պետք է որոշ մարդկանց պատասխանատվության ենթարկեին։ Սա շատ լուրջ խնդիր է։ Այստեղ հայ զինվորի, հայկական բանակի արժանապատվության խնդիրն է առաջանում։

-Ստացվում է՝ ադրբեջանցիները քայլելով գալիս են և պահանջներ են ներկայացնում մեր զինծառայողներին։ Չորս դիրքի մասին է խոսք գնում, որ լքել են մեր զինծառայողները, ադրբեջանցիներ ևս այնտեղ չկան՝ ըստ ՀՀ ԱԽ-ի։ Որևէ դիմադրություն չի լինում հեռացման պահանջին։ Անհասկանալի է իրավիճակը, պարո՛ն Սարգսյան, սա քաղաքակա՞ն, թե՞ զինվորական իշխանության բացթողում կհամարեք, թե՞ տեղում զինծառայողներն են թերացել, որոնք էլ պիտի հրամաններ ստանային։ Մյուս կողմից՝ հիշում ենք արդեն նախկին նախարար Արշակ Կարապետյանի հրամանը, որ ադրբեջանցիների առաջանալու դեպքում պետք է զինծառայողները կրակ բացեն։ Միաժամանակ, Նիկոլ Փաշինյանն այսօր ասաց՝ երեկ տեղի ունեցած առաջխաղացման արդյունքում է պաշտոնանակ արվել նախարարը։ Մի տեսակ խաթնաշփոթ իրավիճակ չի՞ առաջանում։

-Ձեր թվարկած բոլոր պատճառներն էլ կան։ Դուք թվարկեցիք այն պատճառները, որոնց հետևանքով կարող է նման բան լինել։ Ես համարում եմ, որ դրանք բոլորն էլ կան և համակարգային են։ Այստեղ համակարգային լուծում է պետք տալ։ Ի՞նչ է տեղի ունենում։ Ինչո՞ւ է Ադրբեջանը որոշել հենց հիմա ագրեսիվանալ։ Աշնան տաք օրերը թողեց, որոշեց ձմռանը առաջանալ, ինչո՞ւ։ Ի՞նչ ենք մենք արել, և ի՞նչ խնդիր է ինքը ուզում լուծել, որին մենք հակադրվել ենք, և որի պատճառով իրենք փորձում են առաջ գալ։ Դիրքային խժդժությունները եղել և լինելու են, իհարկե՝ դրանք չպետք է լինեն այս կարգի անպատիվ, պիտի լինի կարգուկանոն։ Այս դիրքային տեղաշարժերը լինելու են, որովհետև տեղի է ունեցել պատերազմ, որում մենք պարտվել ենք, դրա համար էլ սահմանային ճշգրտումներ են տեղի ունենում։ Եթե հաղթեինք, էլի տեղի էին ունենալու, բայց տեղի էր ունենալու Կիրովաբադում, և մենք էինք նույնն անելու։

Հարցազրույցն ամբողջությամբ՝ տեսանյութում։

Ռոբերտ Անանյան