21.07.2026 | 16:49
Անկարան բանակցություններ է վարում երրորդ երկրների հետ՝ C-400-ի վերաբերյալ․ Թուրքիայի պաշտպանության նախարար
ՏԻՄ ընտրություններին քվեարկածների թիվը՝ ժամը 17:00-ի դրությամբ
Քաղաքականություն
14.11.2021 | 18:10
ՀՀ կենտրոնական ընտրական հանձնաժողովն ամփոփել է ՏԻՄ ընտրությունների մասնակցության արդյունքները ժամը 17.00-ի դրությամբ: Ըստ այդմ՝ Կապանում ընտրելու իրավունք ունեցող 31 644 քաղաքացիներից ժամը 17.00-ի դրությամբ քվեարկությանը մասնակցել է 17 326 ընտրող, կամ ընտրողների 54.75 տոկոսը:
Իջևանում ընտրելու իրավունք ունեցող 33 090 ընտրողից մասնակցել է 9036-ը կամ 27.31 տոկոսը: Ստեփանավանում 13 333 ընտրողից քվեարկել է 4092-ը, կամ 30.69 տոկոսը: Լերմոնտովո համայնքում` 679 ընտրողից մասնակցել է 162-ը, կամ 23.86 տոկոսը: Իսկ Արզնի համայնքում` 2052 ընտրողից 394-ը կամ 19.20 տոկոսը:
Բոլոր համայնքներում, ընդհանուր առմամբ, ընտրելու իրավունք ունեցող 80 798 ընտրողներից ժամը 17.00-ի դրությամբ ընտրություններին մասնակցել է 31 010 քաղաքացի կամ ընտրողների 38.38 տոկոսը:
Հիշեցնենք, որ այսօր՝ նոյեմբերի 14-ին, 4 մարզերի 5 համայնքներում ՏԻՄ ընտրություններ են անցկացվում։ Համամասնական ընտրակարգով ընտրություններ են Լոռու մարզի Ստեփանավան, Սյունիքի մարզի Կապան, Տավուշի մարզի Իջևան համայնքներում։ Իսկ մեծամասնական ընտրակարգով ընտրություններ են անցկացվում Կոտայքի մարզի Արզնի և Լոռու մարզի Լերմոնտովո համայնքներում։ ՏԻՄ ընտրությունների վերջին փուլը տեղի կունենա դեկտեմբերի 5-ին 9 մարզերի 36 համայնքներում։
Մերի Մարտիրոսյան
