15.12.2025 | 13:02
Ռոստովի մարզը ենթարկվել է ԱԹՍ-ների զանգվածային հարձակման. վնասվել են էլեկտրահաղորդման գծեր և բնակելի տներ. ՏԵՍԱՆՅՈՒԹ
Ռուսաստանի նախագահը երկօրյա այցով մեկնել է Թուրքիա
Քաղաքականություն
03.04.2018 | 14:35
Ռուսաստանի Դաշնության (ՌԴ) նախագահ Վլադիմիր Պուտինը ապրիլի 2-ին աշխատանքային երկօրյա այցով մեկնել է Թուրքիա, որտեղ նախատեսվում է հանդիպում Թուրքիայի նախագահ Ռեջեփ Թայիփ Էրդողանի հետ. փոխանցում է ermenihaber-ը:
Այցի ընթացքում Էրդողանը ու Պուտինը հեռուստակամուրջի միջոցով կհետևեն Թուրքիայի Գիրեսուն քաղաքում Ռուսաստանի կողմից կառուցվելիք Աքքույու ատոմակայանի հիմնարկեքի արարողությանը։
Երկու նախագահները կմասնակցեն Անկարայում կայանալիք ռուս-թուրքական բարձր մակարդակի համագործակցության խորհրդի հերթական նիստին, որին ներկա են լինելու թուրք և ռուս մի շարք նախարարներ։
Նիստի շրջանակներում Պուտինը ու Էրդողանը կքննարկեն ռուս-թուրքական հարաբերությունների առանցքային հարցեր, ինչպես նաև տարածաշրջանային և միջազգային մի շարք խնդիրներ։ Սպասվում է, որ նիստից հետո նախագահները հանդես կգան մամուլի ասուլիսով։
Աղբյուրը նաև հաղորդում է, որ Պուտինն ապրիլի 4-ին մասնակցելու է Անկարայում տեղի ունենալիք Թուրքիա-Իրան-Ռուսաստան եռակողմ ժողովին, որի ժամանակ քննարկվելու է սիրիական ճգնաժամը։
