19.12.2025 | 21:03
Բաքուն Ռուբեն Վարդանյանի մասին քարոզչական ֆիլմ է պատրաստել
Պեսկովը հայտարարել է, որ ՆԱՏՕ-ի նավերի ակտիվությունը Սև ծովում անհանգստացնում է Պուտինին
Քաղաքականություն
11.11.2021 | 21:27
ՆԱՏՕ-ի ակտիվությունը Սև ծովում անհանգստացնում է ՌԴ նախագահ Վլադիմիր Պուտինին։ Նման գործողությունները ՌԴ սահմանին մոտ մեծ ուշադրության և նախազգուշական միջոցների ավելացման պատճառ են։ Այս մասին հայտարարել ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
«Դա լիովին նրա անհանգստության առարկան է, Պուտինն այդ մասին խոսել է»,- ասել է Պեսկովը՝ պատախանելով հարցին՝ որն է Պուտինի դիրքորոշումը ամերիկյան ռազմածովային ուժերի նավերի հետ կապված, որոնք մասնակցում են Եվրոպայում ԱՄՆ-ի համատեղ հրամանատարության կողմից անցկացվող բազմազգ զորավարժություններին Սևծովյան տարածաշրջանում։
Խոսելով Սև ծովում ռուսական սահմանների մոտ ՆԱՏՕ-ի նավերի գործողությունների մասով ընթացող բարձր մակարդակի բանակցությունների մասին՝ Պեսկովը հիշեցրել է, որ «զինվորականների միջև մշտապես օպերատիվ շփումներ կան»։
«Շփումները, ընդհանուր առմամբ, եղել են գլխավոր շտաբերի գծով, ինչը շատ դրական է։ Բայց նման գործողությունները մեր սահմանների անմիջական հարևանությամբ, իհարկե, չեն կարող մեծ ուշադրության և նախազգուշական միջոցների ավելացման պատճառ չհանդիսանալ։ Այդ մասին խոսել են և՛ պետության ղեկավարը, և՛ պաշտպանության նախարարը»,- ասել է Պեսկովը։
Էմմա Չոբանյան
