18.12.2025 | 18:51
ԵՄ-ն պատժամիջոցների ցանկում ներառել է Ռուսաստանի «ստվերային նավատորմի» ևս 41 լցանավ
Սիրիայում 15 գյուղ է դատարկվել թուրքական զինուժի հարձակման վտանգի պատճառով
Քաղաքականություն
10.11.2021 | 21:35
Սիրիայի հյուսիսային քրդաբնակ շրջաններում թուրքական զինված ուժերի հնարավոր հարձակման վտանգի տակ գտնվող գյուղերի բնակիչները սկսել են լքել իրենց տները, գրում է Ermenihaber-ը։
Սիրիայի դեմոկրատական ուժերից հաղորդվող տեղեկության համաձայն՝ մինչ այժմ Թել Թամեր և Այն Իսա շրջանների միջև գտնվող 15 գյուղ ամբողջովին դատարկվել է։
Սիրիայի դեմոկրատական ուժերի մամուլի խոսնակ Ֆերհադ Շամին, խոսելով այն մասին, որ Թուրքիան նոր ռազմական օպերացիա է նախապատրաստում, նշել է․
«Բռնազավթիչ թուրք զինվորների և զրահապատ մեքենաների ուղեկցությամբ հարյուրավոր վարձկաններ տեղակայվել են տարբեր խաչմերուկներում։ Բազմիցս փորձել են սադրել մեր ուժերին»։
Թել Թամերի մոտ գտնվող Այն Աբիդ գյուղի 52-ամյա բնակիչ Աբդուլքերիմ Ահմեդը քրդական լրատվամիջոցի հետ զրույցում նշել է, որ վախենում է թուրքերի հնարավոր հարձակումից։
«Մարդիկ միանշանակ վնաս են կրելու։ Ստիպված են լինելու լքել իրենց տները և գաղթել։ Կորցնելու ենք մեր ապրուստի միջոցը»,-ընդգծել է նա և կոչ արել միջազգային հանրությանը կանխել հնարավոր պատերազմը։
