12.02.2026 | 11:29
Վոլգոգրադի մարզում ՌԴ ՊՆ օբյեկտը հրթիռային հարձակման է ենթարկվել․ հարակից բնակավայրը տարհանվում է
Փաշինյանն ասում էր՝ Ամուլսարը պետք է շահագործվի, Ռոմանոս Պետրոսյանն ինչո՞ւ է ասում՝ դեռ չի կարող ասել. նախարարի պարզաբանումը․ ՏԵՍԱՆՅՈՒԹ
Տնտեսություն
05.11.2021 | 15:01
«Ամուլսարի վերբերյալ վերջին մեր գնահատակններից այս կողմ ես դեռ չեմ ֆիքսել որևէ տեղաշարժ Քննչական կոմիտեի մասով, թեև Քննչական կոմիտեի նախագահի տեղակալը երկու օր առաջ այդ մասին որոշակի ինֆորմացիա տրամադրեց»,- այս մասին լրագրողների հետ զրույցում նշեց ՀՀ շրջակա միջավայրի նախարար Ռոմանոս Պետրոսյանը խորհրդարանում՝ անդրադառնալով հացին, թե արդյոք Ամուլսարի հանքը շահագործվելու է:
«Իմ լիազորությունների և իրավասությունների շրջանակում այս պահին գործընթացներին միջամտելու կամ ներազդելու որևէ մանդատ չունեմ, քանի դեռ քրեական գործը չի հանգուցալուծվել և վեր չի հանվել օբյեկտիվ իրականությունը (կարևոր չէ բացասական, թե դրական), որից հետո միայն կարող ենք ներգործել մեր լիազորությունների շրջանակում»,-նշեց Պետրոյանը:
«Եթե քրգործի հանգուցալուծումից հետո վերհանվի այնպիսի օբյեկտիվ իրականություն, որը կարող է ազդել տվյալ տնտեսվարողի ունեցած ընդերքօգտագործման իրավունքի, ՇՄԱԳ դրական փորձաքննության, ջրօգտագործման թույլտվության վրա, բնականաբար, մեր գործիքակազմերով կմիջամտենք:
Եթե վերհանվի այնպիսի իրողություն, որ որևէ կերպ կասկածի տակ չեն դրվում այդ ինստիտուտները, ապա այս պահին կարող եմ ասել, որ տնտեսվարողն ունի բոլոր անհրաժեշտ իրավունքները, լիցենզիաները, թույլտվությունները, որոնք իրեն թույլ են տալիս շահագործելու Ամուլսարի հանքավայրը»,- նշեց նախարարը:
Նշենք, որ ավելի վաղ Ամուլսարի գործով քննչական խմբի ղեկավար, Քննչական կոմիտեի նախագահի տեղակալ Արսեն Այվազյանը հայտնել էր՝ Ամուլսարի վերաբերյալ քրեական գործով առաջիկայում հանգուցալուծում է լինելու:
Մանրամասները՝ տեսանյութում:
