09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Մեկ բժիշկ աշխատանքից ազատվել է հակապատվաստումային քարոզի համար. Անահիտ Ավանեսյան. ՏԵՍԱՆՅՈՒԹ
04.11.2021 | 12:25
Որոշ բժիշկներ աշխատանքից ազատվել են հակապատվաստումային քարոզի համար: Այս մասին այսօր լրագրողների հետ ճեպազրույցում նշեց առողջապահության նախարար Անահիտ Ավանեսյանը:
«Հակապատվաստումային քարոզչությամբ զբաղվող բժիշկները շատ չեն բայց շատ ակտիվ են, օր ու գիշեր զբաղված են այս վնասարարությամբ: Մենք մոնիթորինգ ենք իրականացնում և հնարավորինս փորձում ենք այն բժշկական կենտրոնների, առաջնային օղակի հետ աշխատանք տանել և հասկանալ՝ արդյոք բժիշկն իրավունք ունի զբաղեցնելու մի պաշտոն, որին լրիվ հակառակ ուղղությամբ է իր հանրային խոսքը կառուցում»,- նշեց նախարարը։
Ըստ Ավանեսյանի՝ կարևոր ինստիտուտ է բժիշկների լիցենզավորումը, որը պետք է լիներ այն գործիքը, որ բժիշկը չի կարող հակագիտական, հակապատվաստումային գործելակերպ իրականացնել։ «Եվ բժիշկների լիցենզավորման ինստիտուտի հետ կապված մենք լուրջ պլաններ ունենք, պատրաստվում ենք առաջիկայում լայնածավալ քննարկումներ, նախապատրաաստական աշխատանքներ տանել։ Եվ հետագայում, երբ կունենանք այդ ինստիտուտը, բժիշկը չի կարող շարունակել պահպանել իր լիցենզիան, եթե նման գործունեությամբ է զբաղվում»,- նշեց նախարարը։
Մանրամասները՝ տեսանյութում:
