Այս տարի սկսում ենք զբաղվել տիեզերական գործունեությամբ. Վահագն Խաչատրյան․ ՏԵՍԱՆՅՈՒԹ

ՀՀ Բարձր Տեխնոլոգիական և Արդյունաբերության նախարար Վահագն Խաչատրյանը ներկայացնում է 2022 թվականի բյուջեի նախագիծը, ասաց, որ կարճ երեկվա քննարկմանը կանդրադառնա։ «Ներկայացնեմ, որ 2022 թվականի պետական բյուջեի մասին օրենքի նախագծով  նախարարությունը նախատեսում է հատկացնել 21,3 տասնորդական միլիարդ դրամ, որից 5,2 տասնորդական միլիարդը հենց նախատեսված էր պաշտպանության բնագավառում գիտական և գիտատեխնիկական նպատակային հետազոտությունների համար»,- ասաց Վահագն Խաչատրյանը։ Նա նշեց, որ այդ 21,3 միլիարդ դրամից 1,05 միլիարդ դրամը ապարատի պահպանման ծախսերն են։

Վահագն Խաչատրյանի խոսքով՝ Բարձր տեխնոլոգիական և արդյունաբերության ոլորտ և թվայնացում բնագավառի համար նախատեսում է 2022 թվականին իրականացնել 12, 6 միլիարդ դրամ արժեքով արդյունաբերության էկոհամակարգի շուկայի զարգացման և թվայնացման ծրագիր։ Ծրագրի նպատակն է իրականացնել բարձր տեխնոլոգիական ոլորտում տեխնոլոգիական կրթության որակական և քանակական բարելավում, սփյուռքահայ տեխնոլոգիական ներուժի ներգաղթի խթանմանն ուղղված միջոցառումների իրականացում, դրամաշնորհային ծրագրերի շրջանակներում նորաստեղծ ընկերությունների ֆինանսավորում տրամադրելու միջոցով բարձր տեխնոլոգիական ոլորտում և տնտեսության բոլոր հատվածներում նոր արժեք ստեղծելու և տեխնոլոգիական լուծումների կիրառության ապահովում։

«Այս տարի սկսում ենք զբաղվել տիեզերական գործունեությամբ: Տիեզերական կենտրոն ենք ստեղծելու, մինչև տարեվերջ պետք է ունենանք ռազմավարություն»,- ընդգծեց Վահագն Խաչատրյանը:

Մանրամասները՝ տեսանյութում: