15.11.2024 | 20:14
Թումանյան փ. – Մաշտոցի պ. Խաչմերուկում մասնակի, իսկ Թումանյան-Սարյան հատվածում երթևեկությունը ժամանակավորապես դադարեցվելու է
Եվս մեկ քրգործ` ՃՈ Կոտայքի հաշվառման-քննական բաժանմունքում արդեն երկրորդ անգամ կաշառքով վարորդական իրավունքի վկայական տրամադրելու փաստով
Հասարակություն
29.03.2018 | 20:27
ՀՀ հատուկ քննչական ծառայությունում քրեական գործ է հարուցվել ՀՀ ոստիկանության պետական հատուկ ծառայություն իրականացնող պաշտոնատար անձանց կողմից պաշտոնեական դիրքը չարաշահելու, նախնական համաձայնությամբ կաշառք ստանալու, կաշառք տալու և կաշառքի միջնորդության առերևույթ հանցագործության դեպքերի առթիվ, որոնք նախատեսված են ՀՀ քրեական օրենսգրքի 308-րդ հոդվածի 1-ին մասով, 311-րդ հոդվածի հոդվածի 3-րդ մասի 2-րդ կետով, 312-րդ և 313-րդ հոդվածների 1-ին մասերով:
Այսպես, Կոտայքի մարզի բնակիչ Ս. Ա.-ն վարորդական իրավունքի վկայական ստանալու նպատակով դիմել է Աբովյանի տեխնիկական դպրոցի գործնական վարման վարպետ Ա. Գ.-ին, ով առաջարկել է իր միջոցով ՀՀ ոստիկանության պաշտոնատար անձանց կաշառք տալու դեպքում կազմակերպել հիշյալ վկայականի ստացումը: Ս. Ա.-ն այդ մասին հայտնել է ՀՀ ազգային անվտանգության ծառայությանը:
Իրականացված օպերատիվ-հետախուզական միջոցառումների շրջանակում Ս. Ա.-ն 08.02.2018թ.-ին կաշառքի գումարը տվել է գործնական վարման վարպետ Ա. Գ.-ին, ով հավաստիացրել է, որ այն փոխանցելու է ՀՀ ոստիկանության «Ճանապարհային ոստիկանություն» ծառայության Կոտայքի հաշվառման-քննական բաժանմունքի պաշտոնատար անձանց, իսկ վարորդական իրավունքի վկայական ստանալու համար օրենքով նախատեսված քննությունները կրելու են ձևական բնույթ:
Այնուհետև Ս. Ա.-ն մասնակցել է ոստիկանության վերը նշված բաժանմունքում անցկացվող տեսական և գործնական քննություններին, որոնց ընթացքում թեպետ ճիշտ չի պատասխանել հարցաշարում ընդգրկված հարցերին, իսկ գործնական վարման առաջադրանքներն էլ սխալ է կատարել, այդուհանդերձ, «Ճանապարհային ոստիկանություն» ծառայության Կոտայքի հաշվառման-քննական բաժանմունքի ոստիկանների կողմից գնահատվել է դրական: Արդյունքում` վարորդական հմտություններին չտիրապետող Ս. Ա.-ն ստացել է «B» կարգի վարորդական իրավունքի վկայական:
Կատարվում է նախաքննություն:
