14.10.2026 | 18:19
Հայաստանում նախատեսվում է խստացնել քաղաքացիության ստացման պայմանները և վերափոխել միգրացիոն կառավարման համակարգը
Հայաստանի լրագրողների ֆուտբոլի հավաքականը՝ Կոտե Մախարաձեի 100-ամյակին նվիրված հուշամրցաշարի հաղթող
14.10.2026 | 17:31
Հայաստանի լրագրողների ֆուտբոլի հավաքականը այսօր Վրաստանի Բաթումի քաղաքում վրացի հանրահայտ սպորտային մեկնաբան Կոտե Մախարաձեի 100-ամյակին նվիրված հուշամրցաշարի հաղթող է դարձել՝ եզրափակչում հաղթելով տանտերերի՝ Վրաստանի թիմին:
Մրցաշարում հանդես եկան 8 լրագրողական թիմեր՝ Հայաստանից, Վրաստանից, Ուկրաինայից, Ղազախստանից, Ռումինիայից, Իսրայելից, Եգիպտոսից եւ Թուրքիայից: Թիմերը բաժանվել էին երկու խմբի, խմբերում առաջին երկու տեղերը զբաղեցրած թիմերը վիճարկեցին չեմպիոնությունը։
Հայաստանի թիմը խմբում նախ 6-2 հաշվով հաղթեց Ղազախսատնի թիմին, 4-0 պարտվեց Վրաստանին, ապա 7-2 հաշվով հաղթեց ռումինացիներին՝ ապահովելով կիսաեզրափակչի ուղեգիր։ Կիսաեզրափակչում մեր տղաները ծայրահեղ լարված պայքարում կարողացան հաղթել Իսրայելի թիմին՝ 2-1 հաշվով։ Եզրափակիչ խաղում կրկին հանդիպեցին Հայաստանի եւ Վրաստանի թիմերը, հայ լրագրողներն առջեւում էին 3-0 հաշվով, սակայն տանտերերը խաղավերջում կարողացան երկու գոլ խփել եւ մոտ էին հաշիվը հավասարեցնելուն, սակայն մեր տղաները դիմացան ճնշմանը եւ հաղթեցին 3-2 հաշվով։
Կոտե Մախարաձեի անվան մրցաշարն այս տարի անցկացվում էր 6-րդ անգամ, Հայաստանի թիմը մասնակցել է բոլոր մրցաշարերին, երկու անգամ դարձել էր բրոնզե մեդալակիր։
Մրցաշարի կազմակերպիչը Վրաստանի մարզական լրագրողների ասոցիացիան է։
