24.02.2026 | 16:43
ՀԷՑ-ում ավարտվել են բարձրավոլտ ենթակայանների ստուգայցերը․ արձանագրվել են համակարգային խնդիրներ
Կորոնավիրուսային համաճարակով պայմանավորված իրավիճակը ծայրահեղ լարված է Հայաստանում. Նիկոլ Փաշինյան. ՏԵՍԱՆՅՈՒԹ
28.10.2021 | 11:26
Կորոնավիրուսային համաճարակի հետ կապված իրավիճակը ծայրահեղ լարված է Հայաստանում: Այս մասին այսօր կառավարության նիստի մեկնարկին հայտարարեց վարչապետ Նիկոլ Փաշինյանը:
«Երեկ հայտաբերվել է 2307 դրական դեպք, արձանագրվել է 38 մահ»,- հայտնեց ՀՀ առողջապահության նախարար Անահիտ Ավանեսյանը: – Այս պահին ՀՀ-ում մոբիլիզացված է քովիդ պացիենտներին սպասարկող 27 բժշկական կենտրոն: Ընդհանուր առմամբ 3050 մահճակալ անընդհատ զբաղված է:
Ունենք ծանր վիճակում գտնվող 1088 քաղաքացի, ծայրահեղ ծանր վիճակում գտնվող 307 քաղաքացի: Թոքի օդափոխության սարքերին միացված է 152 քաղաքացի»
Նախարարի խոսքով՝ դելտա շտամն առանձնանում է վարակելիությամբ:
«Ցավով արձանագրեմ, որ այս շտամը բավականին ագրեսիվ ընթացք է ունենում նաև հղիների մոտ: Այս պահին էլ ունենք 122 հղի կին, որոնք հոսպիտալացված են, որոնցից 53-ի մոտ առկա է թոքաբորբ, և թթվածնային կախյալ են»,- հայտնեց Անահիտ Ավանեսյանը:
ՀՀ առողջապահության նախարարը նաև ներկայացրեց, թե հիվանդացության պատկերում ինչ համամասնություն ունեն պատվաստվածները. «Այս պահին դրական ակտիվ դեպքերի 30433 քաղաքացիների շրջանում պատվաստվածները ընդամենը 1702-ն են: Հոսպիտալացված մոտ 3100 քաղաքացիների շրջանում պատվաստվածների թիվը ընդամենը 96-ն է: Վերակենդանացման բաժանմունքում գտնվողների շրջանում՝ 1500, ունենք ընդամենը 5 պատվաստված»:
Մանրամասները՝ տեսանյութում:
