9  ցուցանիշ, որ  ապացուցում է 7,7 տոկոսանոց  տնտեսական աճի բլեֆը. ՏԵՍԱՆՅՈՒԹ

Պաշտոնական ցուցանիշներով՝  2017 թվականին Հայաստանում արձանագրվել է Սերժ Սարգսյանի նախագահության շրջանում ռեկորդային տնտեսական աճ:  7.7 տոկոս աճը փոքր երկրի համար այն թիվն է, որի դեպքում պետք է ազդեցությունը զգալի լիներ: Սակայն ուսումնասիրելով ԱՎԾ հրապարակած տվյալներն  ու պաշտոնական այլ հայտարարություններ,  տեսնում ենք, որ այդ շռնդալից աճը մարդկանց կյանքի վրա դրական ազդեցություն չի ունեցել: Ավելին, տնտեսական աճի ցուցանիշներին զուգահեռ՝ սոցիալական ցուցանիշները նվազում են:

Ներկայացված ցուցանիշներից արվող հետևությունները․

1.Տնտեսական աճը 2016 թվականի համար 0.7 տոկոս է նշվում, այնինչ մինչ այս պաշտոնապես հայտարարվել է 0.2 թիվը: Կառավարությունը հետին թվով աճ է ավելացրել:

2.Տնտեսությունն աճել է 7.7 տոկոսով, բայց աղքատությունն ավելացել է 0.1 տոկոսով:

3.Դրան զուգահեռ՝ գործազուրկների թիվն էլ  ավելացել է 6100 մարդով, իսկ ահա պաշտոնապես աշխատանք փնտրողների թիվը պակասել է ավելի քան 10 հազար մարդով:

4.Նպաստառու ընտանիքների թիվը պակասել է, թեև աղքատությունն աճել է 0.1 տոկոսային կետով: Տարօրինակ է, թե ինչպես կարող է աղքատներն ավելանան, բայց աղքատությունը հաղթահարեու համար առավել քիչ ընտանիքներ նպաստ ստանան:

5.Տնտեսական աճին զուգընթաց, միջին թոշակը նվազել է 97 դրամով, իսկ թոշակներն ու նվազագույն աշխատավարձն անփոփոխ են:

6.Գրեթե կրկնակի պակասել է երկրից գնացող-չեկողների թիվը, սակայն միաժամանակ, մշտական բնակչության թիվը պակասել է 13.200 մարդով, որը 700-ով ավելի է, քան 2016 թվականին:

7.Չնայած տնտեսական աճին, պետական պարտքն ավելացել է 403 մլրդ 968 մլն 600 հազար դրամով:

Այսպիսով՝ ստացվում է, որ տնտեսական 7,7 տոկոսանոց աճի  ազդեցությունն ավելի բացասական է եղել, քան   2016թ. 0,2 տոկոսանոց աճինը:

Տարօրինակ է, բայց՝ փաստ:

Սևակ Հակոբյան