14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Շոլցը հայտարարել է Պուտինի հետ երկխոսությունը շարունակելու մտադրության մասին
Քաղաքականություն
26.11.2024 | 17:53
Գերմանիայի կանցլեր Օլաֆ Շոլցը հայտարարել է, որ իր հեռախոսազրույցը ՌԴ նախագահ Վլադիմիր Պուտինի հետ նախընտրական քարոզարշավի մաս չի կազմել, սակայն Գերմանիայի քաղաքացիները սատարում են պետության ղեկավարի՝ երկխոսության ցանկությունը, փոխանցում է The Moscow Times-ը։
«Դա պատասխանատու քայլ էր և անհրաժեշտ։ Ես նրան այցելել եմ պատերազմից առաջ և իմ կարծիքը հայտնել եմ նրան՝ շատ պարզ ասելով, որ պատերազմի բոլոր պատճառները, որոնք նա հետագայում բերեց, ճիշտ չեն։ Ես շարունակեցի զանգահարել նրան մինչև 2022 թվականի վերջ, և դրանք երբեք հաճելի խոսակցություններ չեն եղել։ Այս անգամն էլ բացառություն չէր։ Բայց ինչ-որ բան լսելու համար պետք է խոսել»,- Շոլցի խոսքերն է մեջբերում ZDF-ը։
Ըստ պաշտոնյայի՝ վերջին զրույցի ժամանակ Պուտինին կրկնել է բոլոր փաստարկները և հորդորել ելք գտնել այս պատերազմից։
«Պարո՛ն Պուտին, մի՛ կարծեք, որ մենք կնվազեցնենք մեր աջակցությունը. դուք պետք է ելք գտնեք այս պատերազմից, պետք է դադարեցնեք ձեր հարձակումները և դուրս բերեք ձեր զորքերը»,- ընդգծել է Գերմանիայի կանցլերը։
Նոյեմբերի 15-ին հայտնի դարձավ, որ Շոլցը Պուտինի հետ առաջին հեռախոսազրույցն է ունեցել 2022 թվականի վերջից ի վեր։ Զրույցը տևել է մոտ մեկ ժամ։
Թարգմանությունը՝ Տաթև Ֆռանգյանի
