09.09.2026 | 09:59
Պաշտպանության նախարարի չսպասված այցը Արարատյան հովտի զորամասերից մեկը
Մոսկվան բրիտանացի դիվանագետին զրկել է հավատարմագրումից և արտաքսում է երկրից
Քաղաքականություն
26.11.2024 | 19:08
Մոսկվայում Մեծ Բրիտանիայի դեսպանատան աշխատակից Ուիլքս Էդվարդ Փրայորին զրկել են հավատարմագրումից, նրան երկու շաբաթ ժամանակ է տրվել երկրից հեռանալու համար։ Այս մասին հայտնում է ՌԴ ԱԴԾ հասարակայնության հետ կապերի կենտրոնը, փոխանցում է Current time-ը։
Փրայորը զբաղեցնում է Մոսկվայում Մեծ Բրիտանիայի դեսպանատան քաղաքական բաժնի երկրորդ քարտուղարի պաշտոնը։ ՌԴ հատուկ ծառայությունը նշում է, որ դիվանագետը, որը «փոխարինել է այս տարվա օգոստոսին Ռուսաստանից վտարված բրիտանական հետախուզության վեց աշխատակիցներից մեկին», Ռուսաստան մուտք գործելու թույլտվություն ստանալիս «դիտավորյալ կեղծ տվյալներ է ներկայացրել»՝ դրանով իսկ խախտելով ռուսական օրենքը։
ՌԴ ԱԴԾ-ն նաև հայտարարել է, որ «բացահայտվել են նշաններ, որ նշված դիվանագետը հետախուզական և դիվերսիոն աշխատանք է կատարում, որը սպառնում է Ռուսաստանի Դաշնության անվտանգությանը»:
ՌԴ ԱԳՆ պաշտոնական ներկայացուցչ Մարիա Զախարովան էլ հայտնել է, որ Բրիտանիայի դեսպանն արտաքին քաղաքական գերատեսչություն է կանչվել։
Մեծ Բրիտանիայի իշխանությունները դեռևս չեն մեկնաբանել ռուսական հետախուզական ծառայության այս հայտարարությունը։
Սեպտեմբերին ՌԴ ԱԴԾ-ն հայտարարել էր, որ դադարեցրել է Մոսկվայում Մեծ Բրիտանիայի դեսպանատան վեց աշխատակիցների հավատարմագրումը, որոնց գործողություններում, ենթադրաբար, «բացահայտվել են հետախուզական և դիվերսիոն աշխատանքի նշաններ»։
Թարգմանությունը՝ Էմմա Չոբանյանի
