18.12.2025 | 17:55
Արման Ծառուկյանը նշել է՝ ում հետ կցանկանար անցկացնել գրեփլինգի մենամարտ
Իշխանական վերնախավում քննարկվող թիվ մեկ հարցն ապագա կառավարությունն է. «Հրապարակ»
28.03.2018 | 09:19
«Հրապարակ» օրաթերթը գրում է.
Այս օրերին Հայաստանի իշխանական վերնախավում քննարկվող թիվ մեկ հարցն ապագա կառավարությունն է: Կարծես վարչապետի մասով հստակեցվել է հարցը, հերթը նախարարներինն է, ովքեր իրենց ճակատագրի մասին չեն համարձակվում հարցնել Սերժ Սարգսյանին:
«Կարծում եմ՝ առողջապահության եւ էներգետիկայի նախարարները կգնան, պետք է նման պաշտոններն զբաղեցնեն այնպիսի մարդիկ, ովքեր վայելում են Սերժ Սարգսյանի վստահությունը: Նայեք՝ Արծվիկ Մինասյանից դժգոհ են, բայց որ հանեն, հո մինչեւ 2020թ․ խորհրդարանական ընտրություններն անպաշտոն չե՞ն թողնի: Հետո՝ չեմ կարծում, թե լրիվ կազմը կփոխվի, ահագին մարդիկ կմնան կաշխատեն, մի քանիսին էլ աշնանը կփոխի՝ փուլ առ փուլ, որ միշտ լարման մեջ պահի բոլորին»,- ասաց ՀՀԿ-ական մեր աղբյուրը՝ վստահեցնելով, որ ամեն դեպքում դեռ որեւէ մեկը որեւէ բան չգիտի, սրանք միայն ենթադրություններ են՝ դատելով տվյալ ղեկավարի նկատմամբ վերաբերմունքից, ընդհանուր քննարկումներից եւ այլն:
Առավել մանրամասն՝ թերթի այսօրվա համարում:
