Ասում են՝ պատվաստանյութերը փորձարկված չեն․ զարմանում եմ․ Հերիքնազ Տիգրանյան. ՏԵՍԱՆՅՈՒԹ

Հայաստանում խստացվում են COVID-19 համավարակի դեմ պատվաստման պահանջները։ Կառավարության նախաձեռությունն ուղղված է կորոնավիրուսային հիվանդության դեմ պատվաստումների խթանմանը:

Աշխատանքի և սոցիալական հարցերի նախարարությունը e-draft.am-ում հանրային քննարկման է ներկայացրել «Աշխատանքային օրենսգրքում» և «Պետական ծառայության օրենսգրքում» կատարված փոփոխությունների նախագիծը, համաձայն որի պետական համակարգի և մասնավոր հատվածի աշխատողները պարտավոր կլինեն օրենքով տրամադրել պատվաստումը կամ փորձարկումը հաստատող հավաստագրեր:

Նոր փոփոխություններով, որոնք պետք է ներկայացվեն խորհրդարանի հաստատմանը, գործատուն իրավունք ունի աշխատանքից ազատել աշխատողին, եթե ավելի քան 30 օր անընդմեջ կամ վերջին 12 ամիսների ընթացքում աշխատողն իր պաշտոնեական պարտականությունները չի կատարել ավելի քան 50 օր:

«Կորոնավիրուսն ու աշխատանքային իրավունքները. պատվաստվե՞լ, թե՞ կորցնել աշխատանքը» թեմայով առցանց քննարկման ժամանակ իր դիտարկումները ներկայացրեց ՀՀ ԱԺ Աշխատանքի և սոցիալական հարցերի մշտական հանձնաժողի նախագահ Հերիքնազ Տիգրանյանը:

«Շատերը շահարկում են՝ ասելով, թե պատվաստանյութերը փորձարկված չեն, և այս պատվաստումներով մարդկանց վրա փորձարկումներ են անում, և վկայակոչում են Սահմանադրության հոդված, ինչը աբսուրդ է, այդ հոդվածում նշված է, որ մարդու վրա չի կարելի գիտական փորձեր անել: Եվ սերիական արտադրության մեջ գտնվող մի քանի տեսակի պատվաստանյութերով պատվաստելը ներկայացնել որպես գիտափորձ կամ բժշկական փորձ, իրականությանը չի համապատասխանում, բայց ես զարմանքով նկատում եմ, որ մարդիկ հավատում են նման պնդումներին»,- ընդգծեց Տիգրանյանը:

Մանրամասները՝ տեսանյութում: