18.12.2025 | 15:00
Բաքուն սկսում է նավթամթերքի արտահանումը ՀՀ // Ռուբեն Վարդանյանի համար ցմահ ազատազրկում են պահանջել․ ԼՈՒՐԵՐ
«Սասնա ծռերի» տասն անդամների գործով դատական նիստը մեկնարկեց լարված մթնոլորտում
Հասարակություն
21.03.2018 | 11:51
Շենգավիթ վարչական շրջանի ընդհանուր իրավասության դատարանում, Մեսրոպ Մակյանի նախագահությամբ ընթացող «Սասնա ծռերի» տասն անդամների գործով դատական նիստը մեկնարկեց լարված մթնոլորտում:
Պավել Մանուկյանը, Արայիկ Խանդոյանն ու Գագիկ Եղիազարյանը ցանկանում էին հայտարարություն անել, դատավորը, սակայն, թույլ չտվեց՝ ասելով, որ հայտարարությունները կհնչեն վերջում, մեղադրողի կողմից գրավոր ապացույցների հրապարակումից հետո միայն:
«Մանուկյան, մի աղմկեք, Բարսեղյան անցնե՞մ սանկցիաների: Կողմերը պարտավոր են հարգալից վերաբերմունք դրսևորել, հակառակ պարագայում կանցնեմ դատական սանկցիայի կիրառման»,- սպառնաց դատավորը:
Պավել Մանուկյանը շարունակում էր տեղից գոռգոռալ և ձայնի իրավունք էր պահանջում, Արայիկ Խանդոյանն էլ դատավորին ասաց, որ իրենց խաբում են ու իրեն անցած նիստի ավարտին թույլ չեն տվել հայտարարություն անել. «Հելաք փախաք սաղդ»:
Դատավորը կրկին հորդորեց հարգալից խոսել, ևս մեկ անգամ սանկցիաների կիրառման անցնելու նախազգուշացում տվեց, որից հետո արդեն մեղադրողը սկսեց ընթերցել ապացույցները:
Հավելենք, որ այսօրվա նիստին լրացել է Գագիկ Եղիազարյանի սակցիայի ժամկետը, նա նիստերի դահլիճում է ու արդեն հասցրեց դատարանի կողմից նկատողություն ստանալ տեղից խոսելու համար:
Լիլիթ Շաբոյան
