Ինչու է Փաշինյանը մեկուսացել լրագրողներից. վարչապետը խուսափում է խնդրահարույց հարցերից․ ՏԵՍԱՆՅՈւԹ

Լուրեր

16.11.2026 | 13:18
Հայաստանի ձյուդոյի ֆեդերացիայի նախագահը վերընտրվել է
16.11.2026 | 13:14
ՆԳՆ-ի և Ճանապարհային ոստիկանության անունից կեղծ հաղորդագրություններ են տարածվում․ քաղաքացիներից փորձում են գումար հափշտակել
16.11.2026 | 13:05
Առաջին 20 տեսանյութերն ուղարկվել են ՆԳՆ. փոխքաղաքապետը՝ արգելված վայրերում կայանումների մասին․ ՏԵՍԱՆՅՈՒԹ
16.11.2026 | 13:01
Արթուր Վաղարշյանն ընտրվել է ՍԴ փոխնախագահ
16.11.2026 | 12:55
Amazon-ի 40 արբանյակներով Vulcan հրթիռը պայթել է արձակումից 10 րոպե անց. ՏԵՍԱՆՅՈՒԹ
16.11.2026 | 12:46
Երևանի երթևեկությանն անդրադառնում են մարդիկ, որոնք չեն պատկերացնում խնդիրը. Ավինյան․ ՏԵՍԱՆՅՈՒԹ
16.11.2026 | 12:38
Total Chess. Հայկ Մարտիրոսյանը չի կարողացել դուրս գալ կիսաեզրափակիչ
16.11.2026 | 12:30
Թուրքիայից Հայաստան առաջին կանոնավոր բեռնափոխադրման չվերթն է իրականացվել․ ԼՈՒՍԱՆԿԱՐՆԵՐ
16.11.2026 | 12:20
ՌԴ-ն հարվածել է Ուկրաինայի մի շարք շրջանների․ զոհեր և վիրավորներ կան
16.11.2026 | 12:10
Երևանում մեքենաների թիվը սահմանափակելու հարց կքննարկվի // Ձնախառն անձրևներ են սպասվում․ ԼՈՒՐԵՐ
16.11.2026 | 11:51
Չեխիայում հարյուր հազարավոր մարդիկ բողոքի ցույցի են դուրս եկել՝ ընդդեմ հանրային լրատվամիջոցների ֆինանսավորման բարեփոխումների
16.11.2026 | 11:41
Ադրբեջանի ներկայացուցիչները կժամանեն Հայաստան․սպասվում է քաղհասարակության նոր հանդիպումը
16.11.2026 | 11:36
Ազովում ուկրաինական հարձակումից հետո նավթաբազա է հրդեհվել․ հարված է հասցվել Ղրիմի կամրջին, երթևեկությունը փակվել է
16.11.2026 | 11:27
Եղվարդում ապօրինի արդյունահանման դեպք է բացահայտվել․ 10 մլն դրամի վնասը վերականգնվել է
16.11.2026 | 11:16
19-ամյա Միրա Անդրեևան Ամփոփիչ մրցաշարի 2-րդ ամենաերիտասարդ հաղթողն է. ՏԵՍԱՆՅՈՒԹ
Բոլորը

Հայաստանի անկախության 30-ամյակի միջոցառումները մեկնարկեցին «Եռաբլուր» զինվորական պանթեոնից: Սեպտեմբերի 21-ին վաղ առավոտյան «Եռաբլուր» էին այցելել պետական բարձրաստիճան պաշտոնյաները: Կառավարության անդամներից մինչև հանրապետության նախագահը՝ սպասում էին վարչապետ Նիկոլ Փաշինյանին:

Փաշինյանին դիմավորում և ուղեկցում էր պաշտպանության նախարար Արշակ Կարապետյանը: Փաշինյանն ու թիմակիցները մեծաթիվ անվտանգության աշխատակիցների ուղեկցությամբ ծաղիկներ են խոնարհում Արցախյան առաջին և երկրորդ պատերազմի զոհերի շիրիմներին և արագ հեռանում:

Պատերազմում հերոսացածների հարազատներին, ըստ Կառավարության հրապարակած տեսանյութի, Փաշինյանը չի մոտենում։ Նրանց ձայները, սակայն, «Եռաբլուր»-ում լսվում են:

«Եռաբլուր» զինվորական պանթեոնում անկախության 30-ամյակի միջոցառումները մեկնարկեցին լրագրողների տեղաշարժի աննախադեպ սահմանափակումներով: Առաջին անգամ լրագրողներն իրավունք չունեին մոտենալ առանցքային պաշտոններ զբաղեցնող անձանց ու հրատապություն պահանջող խնդիրների վերաբերյալ պարզաբանումներ ստանալ: Նախ՝ վարչապետի անվտանգության աշխատակիցները, ապա ոստիկանության կարմիրբերետավորները լրագրողներին թույլ չտվեցին մոտենալ վարչապետին, պաշտպանության նախարարին, ԶՈՒ գլխավոր շտաբի պետին, անվտանգության խորհրդի քարտուղարին և այլ բարձրաստիճան պաշտոնյաների ու հետաքրքրվել, օրինակ՝ ՀՀ քաղաքացիներն ինչպե՞ս երթևեկեն Գորիս-Կապան ճանապարհով, որ թշնամական պետության ոստիկանները նրանց չգերեվարեն:

ԱԽ քարտուղար Արմեն Գրիգորյանին հարց ուղղելու հնարավորություն ունենում ենք այն պահին, երբ Փաշինյանն իր անվտանգության բազմաթիվ աշխատակիցներով հեռացել էր: Գրիգորյանը, սակայն, հրաժարվում է մեկնաբանել նաև ամենաշատ քննարկված և մեկնաբանություն պահանջող հարցը՝ արդյո՞ք Փաշինյանը խնդրել է միջնորդել Վրաստանի վարչապետին, որ հանդիպում կազմակերպի Թուրքիայի նախագահ Էրդողանի հետ:

Երևանի մամուլի ակումբի նախագահ Բորիս Նավասարդյանն անընդունելի է համարում իշխանությունների որոշումը, երբ հրապարակային միջոցառումը՝ զոհերի հիշատակին հարգանքի տուրք մատուցելը, իրականացնում են առանց լրագրողների լիարժեք մասնակցության: 44-օրյա պատերազմից հետո լրագրողների մասնագիտական գործունեության խոչընդոտման դեպքերն ավելի հաճախակի են դարձել:

Փաշինյանի՝ հրապարակային միջոցառումներին մասնակցության ընթացքում, նրա հրահանգով, անվտանգության աշխատակիցներն ու ոստիկանները թույլ չեն տալիս լրագրողներին մոտենալ վարչապետին: Նման իրավիճակ էր մայիսի 28-ին՝ Սարդարապատում: Վերջերս էլ, ԱԺ նախագահի որոշմամբ, խորհրդարանի շենքում կտրուկ սահմանափակվել է լրագրողների ազատ տեղաշարժը:

Իրավապաշտպան Վարդան Հարությունյանը, հիշելով գործող իշխանության կողմից 2018 թվականի հեղափոխական խոստումները, նրանց ներկա վարքագիծը տարակուսելի է համարում։

Նիկոլ Փաշինյանը, այնուհանդերձ, ակտիվ է սոցիալական ցանցերում․ գրառումներ է անում և քաղաքացիների հետ շփվում է ուղիղ եթերների տարբերակով, իհարկե՝ ոչ հեղափոխության առաջին ամիսների ակտիվությամբ:

Իրավապաշտպանն ասում է՝ այս պարագայում Փաշինյանն ինքն է ընտրում՝ ինչ թեմայից խոսել, իսկ անցանկալի թեմաներին չի անդրադառնում:

Նկատենք, որ Նիկոլ Փաշինյանն իր շփումները լրագրողների հետ դադարեցրել է նաև մամուլի ասուլիսների ձևաչափով: Իշխանությունը ստանձնելու առաջին տարիներին Նիկոլ Փաշինյանն ասուլիսներ էր հրավիրում և որպես թափանցիկ ու հաշվետու աշխատանքի դրսևորում՝ շեշտում, որ դրանք տևում են մի քանի ժամ։ Այսօր արդեն, երբ Հայաստանի առջև բազմաթիվ խնդիրներ կան ծառացած, Հայաստանի վարչապետի պաշտոնը զբաղեցնող Նիկոլ Փաշինյանը և մյուս պատասխանատուները հրաժարվում են պարզաբանումներ ներկայացնել:

Մանրամասները՝ տեսանյութում։

Նարեկ Կիրակոսյան