15.11.2024 | 21:06
Լրագրողական կազմակերպությունների հայտարարությունը ԱԺ-ում լրագրողի աշխատանքի խոչընդոտման կապակցությամբ
Այս մի քանի ամիսների ընթացքում պետք է բեկում մտցնենք. Զարուհի Փոստանջյան
Քաղաքականություն
15.03.2018 | 20:17
Մարտի 15-ին «Երկիր Ծիրանի» կուսակցությունը նշեց հիմնադրման մեկամյա տարեդարձը, որի ժամանակ ուղերձով հանդես եկավ կուսակցության նախագահ Զարուհի Փոստանջյանը:
Իր ելույթում կուսակցության առաջնորդը նշեց, որ «Երկիր Ծիրանի»-ն իր առաջ դրել է ազատության և արդարության պահանջ, որը պետք է ընթանա ոչ միայն արտաքին, այլ նաև՝ ներքին թշնամու դեմ. «Եթե մենք այս բռնակալությունը չտապալենք, չհաղթահարենք, չենք կարողանա հասնել մեր բաղձալի ազատությանը: Եթե մենք այս պահին մեր երկրում չկարողանանք հաստատել արդարություն և չկարողանանք ճանաչել ազատությունն, ամբողջ աշխարհը մեզ լուրջ չի վերաբերվի»,-ասաց Զարուհի Փոստանջյանը և նշեց, որ մենք երկար ժամանակ ենք բաց թողել և երկար ժամանակ չենք կարողացել կազմակերպել մեր ազգահավաքը:
Փոստանջյանը նաև ընդգծեց, որ եթե մենք ապամոնտաժման չգնանք պետական համակարգում, Հայաստանից արտագաղթը կշարունակվի:
«Մենք հռչակել ենք «ընդվզում» կարգախոսը, որովհետև, եթե յուրաքանչյուրս կարողանանք մեր տեղում ընդվզել, այս բռնակալական ռեժիմը չի կարող դիմադրել»,-ասաց Փոստանջյանն ու նաև հավելեց, որ կուսակցության գործունեության մեկ տարվա ընթացքում և ապագա պլաններում իրենք չենք շեղվել իրենց առաջդրված ծրագրից:
«Հայաստանի քաղաքական համակարգն այսօր բացառող քաղաքական համակարգ է, որը կրկնում է Կոմունիստական կուսակցությանը՝ Սերժ Սարգսյանին համարելով վերջին բոլշիկ»,-ասաց Փոստանջյանը՝ որպես իրավիճակից ելք առաջարկելով միասնական գործունեություն ծավալել գաղափարի շուրջ, որին պետք է մասնակցի և՛Հայաստանը, և՛ Արցախը, և՛ Սփյուռքը:
«Այլևս բեկում պետք է մտցնել: Մենք դա կարող ենք, և մեր հնարավորությունները մեծ են»,-ասաց Փոստանջյանը՝ կոչ անելով ազատվել բռնապետական համակարգից ու դրա ծիլերից:
Մանրամասները՝ տեսանյութում:
