29.09.2026 | 11:40
Կին ակտիվիստներ ունենք, որոնք դատավարական պրոցեսների մեջ են, որովհետև եղել են համարձակ․ բնապահպան․ ՏԵՍԱՆՅՈՒԹ
Հայաստանի հավաքականը պահպանել է դիրքը ՖԻՖԱ-ի դասակարգման աղյուսակում
29.09.2026 | 11:15
Ազգերի լիգայում մեկնարկից հետո Հայաստանի ազգային հավաքականը Ֆուտբոլի միջազգային ֆեդերացիայի (ՖԻՖԱ) դասակարգման աղյուսակում պահպանել է 107-րդ տեղը։
Եղիշե Մելիքյանի գլխավորած թիմը տնային խաղերում հաղթել էր Լատվիային (2:0) ու պարտվել Չեռնոգորիային (2:3)՝ գրանցելով -5.92 վարկանիշային միավոր (այս պահին կազմում է 1189.74):
Ազգերի լիգայում Հայաստանի հավաքականի մրցակիցներից Չեռնոգորիան 79-րդն է, Կիպրոսը՝ 129-րդ, իսկ Լատվիան՝ 139-րդը։
ՖԻՖԱ-ի դասակարգման աղյուսակի առաջատարն աշխարհի ու Եվրոպայի գործող չեմպիոն Իսպանիայի հավաքականն է։ Երկրորդ տեղում Արգենտինայի հավաքականն է, լավագույն եռյակը եզրափակում է Ֆրանսիան։
Լավագույն տասնյակում են նաև Անգլիայի, Մարոկկոյի, Բրազիլիայի, Պորտուգալիայի, Բելգիայի, Նիդերլանդների և Մեքսիկայի հավաքականները։
Ազգերի լիգայում Հայաստանի հավաքականի առաջիկա երկու խաղերը կլինեն արտագնա: Հոկտեմբերի 2-ին Եղիշե Մելիքյանի գլխավորած թիմը կմրցի Կիպրոսի հետ, իսկ 3 օր անց՝ Չեռնոգորիայի հետ:
Դավիթ Եղիազարյան
