18.12.2025 | 18:11
Մեծաթիվ ոստիկանական ուժեր և հավաք Մայր Աթոռում // Փաշինյանը Պետերբուրգ կմեկնի՝ ԵՏՄ նիստի․ ԼՈՒՐԵՐ
Կառավարությունը 7,6 միլիարդ դրամ հատկացրեց ճանապարհների հիմնանորոգման համար․ ՏԵՍԱՆՅՈՒԹ
Տնտեսություն
27.08.2021 | 11:49
Կառավարությունը 7.6 մլրդ դրամ հատկացրեց 51.1 կմ ավտոճանապարհ հիմնանորոգելու համար։
Տարածքային կառավարման և ենթակառուցվածքների նախարար Գնել Սանոսյանը կառավարության այսօրվա նիստում հայտնեց, որ նախագծով թվով 6 ճանապարհահատվածների վերանորոգման աշխատանքներ են նախատեսված։
«Վերանորոգվող ճանապարհներից 37.3 կիլոմետրը միջպետական նշանակության ավտոճանապարհներն են, իսկ 13.8 կիլոմետրը` հանրապետական նշանակության»,-ասաց Սանոսյանը։
Նիկոլ Փաշինյանը հայտնեց, որ այս տարի 500 կմ ճանապարհի նորոգման աշխատանքներ կապահովվեն։ Սրա մեջ ներառված չեն «Հյուսիս – հարավը» և սուբվենցիոն ծրագրերով արվող նորոգումները։
Որոշման նախագծում նշված է, թե որ ճանապարհները պետք է հիմնանորոգվեն այսօր հատկացված 7.6 մլրդ դրամի շրջանակներում։ Մասնավորապես, Մ-2, Երևան-Երասխ-Գորիս-Մեղրի-Իրանի սահմանը, Մ-3, Թուրքիայի սահման-Մարգարա-Վանաձոր-Տաշիր-Վրաստանի սահման միջպետական նշանակության ավտոճանապարհը, Մ-3, Թուրքիայի սահման-Մարգարա-Վանաձոր-Տաշիր-Վրաստանի սահման միջպետական նշանակության ավտոճանապարհը, Հ-45, /Մ-2/-Շաքի-Սիսան-Դաստակերտ-Ցողունի հանրապետական նշանակության ավտոճանապարհը և Հ-75, Մ-9-Իսահակյան-Գյումրի-Մ-7 հանրապետական նշանակության ավտոճանապարհը։
Մանրամասները՝ տեսանյութում:
