07.10.2026 | 15:51
Բաքուն արձագանքել է Գերմանիայի հետախուզության նախկին ղեկավարի՝ Ադրբեջանի հետ կապ ունենալու մասին լուրերին
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Տնտեսություն
07.10.2026 | 15:26
«Ռոսատոմը» և հայկական ատոմակայանի ներկայացուցիչները հաստատել են Հայկական ԱԷԿ-ի անվտանգ շահագործման հնարավորությունը մինչև 2031 թվականը։ Այս մասին ասվում է «Ռոսատոմի» հաղորդագրության մեջ, փոխանցում է ՏԱՍՍ-ը։
«Երևանում տեղի է ունեցել Համատեղ համակարգող կոմիտեի հինգերորդ նիստը՝ Հայաստանի Հանրապետության, «Ռոսատոմ» պետական կորպորացիայի և դրա ձեռնարկությունների ներկայացուցիչների մասնակցությամբ՝ Հայկական ԱԷԿ-ի 2-րդ բլոկի շահագործման ժամկետի կրկնակի երկարաձգման հարցի վերաբերյալ։ Նիստի մասնակիցները քննարկել են ծրագրի իրականացման ընթացքը, ինչպես նաև 2024-2026 թվականներին ռուս և հայ մասնագետների կողմից իրականացված աշխատանքների արդյունքները։ Նշվել է, որ ուսումնասիրվել է մի շարք շենքերի և կառույցների վիճակը՝ ընդհանուր 15 890 քառակուսի մետր մակերեսով, մշակվել և համաձայնեցվել են փաստաթղթեր, որոնք հաստատում են ռեակտորային կայանքի անվտանգ շահագործման հնարավորությունը մինչև 2031 թվականը»,- ասվում է հաղորդագրության մեջ։
Նիստի արդյունքներով կողմերը համաձայնեցրել են 2027-2030 թվականների միջոցառումների իրականացման ծրագիրը։
«Ռոսատոմ Սերվիս» ԲԲԸ-ի գլխավոր տնօրեն Եվգենի Սալկովի խոսքով՝ 2027 թվականին նախատեսվում է ՀԱԷԿ-ի առանցքային համակարգերի կատարելագործման աշխատանքների համալիր՝ կայանի հետագա արդյունավետ շահագործումն ապահովելու նպատակով՝ մինչև 2036 թվականը։
Ավելի վաղ «Ռոսատոմ»-ի գլխավոր տնօրեն Ալեքսեյ Լիխաչովն այցելել էր Հայաստան, հանդիպել վարչապետ Նիկոլ Փաշինյանի հետ։
Թարգմանությունը՝ Էմմա Չոբանյանի
