07.10.2026 | 10:36
Փաշինյանի ՌԴ այցը դեռ չի քննարկվում, Պուտինի հետ հանդիպում Թուրքմենստանում չի նախատեսվում․ Ուշակով
Մինչև 2024-ը երկաթուղու ոլորտում տեղի կունենա 39 մլրդ դրամի ներդրում․ Փաշինյան․ ՏԵՍԱՆՅՈւԹ
Տնտեսություն
18.08.2021 | 18:31
Մինչև 2024 թվականը Հայաստանի Հանրապետության երկաթուղու ոլորտում շուրջ 39 միլիարդ դրամի ներդրում է նախատեսվում: Կառավարության նիստում այս մասին հայտարարեց վարչապետ Նիկոլ Փաշինյանը:
«Բավականին երկար և մանրամասն քննարկում ենք ունեցել «Հարավկովկասյան երկաթուղի» ընկերության հետ: Շատ ուրախ եմ արձանագրել, որ ձեռք է բերվել համաձայնություն, և կարող ենք ակնկալել, որ իսկապես մինչև 2024 թվականը կունենանք բոլորովին այլ որակի երկաթուղի»,- նշեց Փաշինյանը:
Վարչապետը կարևորեց նաև օդային տրանսպորտի ոլորտում փոփոխությունները: Նրա խոսքով՝ Հայաստանում հիմնադրվում է երկու տեղական ավիաընկերություն. «Իհարկե, օտարերկրյա ներդրմամբ, ինչը ոչ թե վատացնում է գնահատականը, այլ լավացնում»:
«Այստեղ օդային փոխադրումների ոլորտը օտարերկրյա ներդրումներ ներգրավելու բավականին լավ դինամիկա է ցուցաբերում: Մեր խնդիրը պետք է այնպես լինի, որ այս ներդրումային հետաքրքրությունը ավելացնենք, զարգացնենք և կարողանանք աջակցել, որ տեղի ունեցող ներդրումները լինեն արդյունավետ»,-նշեց Փաշինյանը:
Մանրամասները՝ տեսանյութում:
