08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Թուրքիայում ջրհեղեղների հետևանքով զոհերի թիվը հասել է 57-ի
Քաղաքականություն
15.08.2021 | 11:15
Թուրքիայի սեւծովյան ափին հորդառատ անձրևների հետևանքով առաջացած հեղեղումների զոհերի թիվը հասել է 57-ի, ևս 76 մարդ անհետ կորել է, հայտարարել է երկրի ներքին գործերի նախարար Սուլեյման Սոյլուն, փոխանցում է ՏԱՍՍ-ը։
Թուրքիայի շրջակա միջավայրի եւ քաղաքաշինության նախարար Մուրատ Կուրումի խոսքով ՝ 454 շենքեր խիստ վնասվել կամ ավերվել են հեղեղումներից և սելավներից:
Թուրքիայի էներգետիկայի նախարար Ֆաթիհ Դենմեզը նշել է, որ տարերային աղետից անմիջապես հետո առանց էլեկտրականության է մնացել 38 հազար տուն 395 բնակավայրերում, այսօրվա դրությամբ այդ թիվը նվազել է մինչև 8,8 հազար։
Ավելի վաղ հանրապետության իշխանությունները հայտնել էին երկրի հյուսիսում տարերային աղետների հետևանքով 44 զոհերի մասին:
Թուրքիայի նախագահ Ռեջեփ Էրդողանը տարերային աղետի գոտի է հայտարարել երկրի հյուսիսում գտնվող Կաստամոնու, Սինոփ և Բարտին նահանգները, որոնք տուժել են ջրհեղեղից: Տարերային աղետից տուժել է 284 մարդ։
Ավելի վաղ հաղորդվել էր, որ տարերային աղետի շրջանում որոնողափրկարարական աշխատանքները շարունակվում են, տարհանվել է ավելի քան 1,7 հազար մարդ: Մոտ 300 բնակավայր մնացել է առանց էլեկտրականության։ Կամուրջների փլուզման պատճառով արգելափակվել է մի շարք ավտոճանապարհներով երթևեկությունը տարերային աղետի շրջանում, այդ թվում՝ Բարտին-Կարաբյուկ մայրուղով: Կաստամոնու նահանգի Բոզքուրտ քաղաքում սողանքի պատճառով փլվել են մի քանի բազմահարկ շենքեր։
