05.06.2026 | 11:20
Հայ շախմատիստների արդյունքները կանանց ԵԱ-ի վերջին տուրից առաջ
Թուրքիայում ջրհեղեղի զոհերի թիվը հասել է 44-ի
Քաղաքականություն
14.08.2021 | 17:16
Թուրքիայի սևծովյան ափին գտնվող Կաստամոնու և Սինոփ նահանգներում հորդառատ անձրևների հետևանքով առաջացած հեղեղումների զոհերի թիվը հասել է 44-ի: «ՌԻԱ Նովոստի»-ի փոխանցմամբ՝ այս մասին հայտնել է արտակարգ իրավիճակների և տարերային աղետների վարչությունը (AFAD):
«Տարերային աղետի հետևանքով մեր 36 քաղաքացիներ զոհվել են Կաստամոնում, 7-ը՝ Սինոփում, և մեկը՝ Բարտինում։ 9 մարդ շարունակում է բուժումը հիվանդանոցներում», – ասված է գերատեսչության հաղորդագրության մեջ։
Ավելի վաղ հաղորդվել էր 40 զոհվածների մասին: Թուրքիայի նախագահ Ռեջեփ Էրդողանը տարերային աղետի գոտի է հայտարարել երկրի հյուսիսում գտնվող Կաստամոնու, Սինոփ և Բարտին նահանգները, որոնք տուժել են ջրհեղեղից: Տարերային աղետից տուժել է 284 մարդ։
Ավելի վաղ հաղորդվել էր, որ տարերային աղետի շրջանում որոնողափրկարարական աշխատանքները շարունակվում են, տարհանվել է ավելի քան 1,7 հազար մարդ: Մոտ 300 բնակավայր մնացել է առանց էլեկտրականության։ Կամուրջների փլուզման պատճառով արգելափակվել է մի շարք ավտոճանապարհներով երթևեկությունը տարերային աղետի շրջանում, այդ թվում՝ Բարտին-Կարաբյուկ մայրուղով: Կաստամոնու նահանգի Բոզքուրտ քաղաքում սողանքի պատճառով փլվել են մի քանի բազմահարկ շենքեր։
