29.10.2026 | 23:25
Ջրագիծ է վնասվել. Գյումրիում ջրանջատում է
Թուրքիայի հյուսիսային շրջաններն աղետի գոտի են հայտարարվել. ԼՈւՍԱՆԿԱՐՆԵՐ
Քաղաքականություն
13.08.2021 | 20:48
Թուրքիայի նախագահ Ռեջեփ Թայիփ Էրդողանը երկրի հյուսիսային՝ ջրհեղեղից տուժած շրջանները հայտարարել է աղետի գոտի, գրում է Անադալու գործակալությունը։ Ավերիչ ջրհեղեղից տուժել են Կաստամոնու, Բարթին, Սինոպ նահանգները։
«Ինչպես աշխարհի շատ վայրերում, մեր երկիրը նույնպես բախվում է աղետների հետ: Նման իրավիճակ է ԱՄՆ-ում, Կանադայում և Գերմանիայում: Նրանք նույնպես պայքարում են նման աղետների դեմ», – ասել է Էրդողանը օգոստոսի 13-ին տուժած Բոզկուրտ կատարած այցի ժամանակ: Նա նաև նշել է, որ քանդված տների փոխարեն կառուցվելու են նորերը և երկիրը կշարունակի իր ուղին ակտիվ տեմպերով։
Ի դեպ, Բոզկուրտն ամենից տուժած քաղաքներից է․ այն գրեթե ամբողջությամբ ջնջվել է քարտեզից։ Սոցիալական հարթակներում թուրք օգտատերերը փորձում են ուշադրություն հրավիրել քաղաքի ավերվածությունների, վատ ենթակառուցվածների, վատ քաղաքաշինության վրա։ Քաղաքացիները կիսվում են Բոզկուրտից նկարներով՝ նշելով,որ զոհերի թիվը կավելանա, քանի որ
Իշխանությունները դեռ չեն հայնտաբերել ծով թափված դիերը։
Նախօրեին Բոզկուրտում գտնվող ներքին գործերի նախարար Սուլեյման Սոլյուն հայտարարել էր, որ այս ամենն «իր տեսած ամենալուրջ ջրհեղեղ-աղետն է» և ասել, որ «քաղաքը երկու մասի է բաժանվել»։
Հիշեցնենք, որ օգոստոսի 11-ից առատ անձրևները Թուրքիայի հյուսիսային նահանգներում աղետալի ջրհեղեղներ են, որոնց հետևանքով զոհերի թիվը հասել է 27-ի։
Էմմա Չոբանյան
