18.12.2025 | 15:06
Արման Ծառուկյանը՝ Բայդուլաևի դեմ մենամարտում տհաճ միջադեպի մասին․ ՏԵՍԱՆՅՈՒԹ
Տարածքներ նվաճելու որևէ մտադրություն չունենք. Նիկոլ Փաշինյան. ՏԵՍԱՆՅՈւԹ
Քաղաքականություն
12.08.2021 | 11:31
Թշնամության հաղթահարումը կարող է և պետք է դառնա մեր տարածաշրջանային արտաքին քաղաքականության օրակարգի կարևորագույն բաղադրիչներից մեկը։ Այսօր կառավարության նիստի ժամանակ հայտարարեց վարչապետ Նիկոլ Փաշինյանը։
«ՀՀ-ն համոզված է, որ տարածաշրջանում երկարատև խաղաղության, կայունոթյան, անվտանգության ու տնտեսական զարգացման համար առանցքային են հարևան երկրների հետ բնականոն հարաբերությունների հաստատումը և/ կամ զարգացում: Սահմանակից երկրների հետ հարաբերությունների խորացումը կամ կարգավորումը կառավարության արտաքին քաղաքականության կարևոր ուղղություններից է լինելու։ Այս համատեքստում, ցավոք, որոշ ուժեր փորձում են սխալ լույսի ներքո ներկայացնել Հայաստանի մտադրությունները` ասելով, թե ՀՀ-ն զինված ուժերում բարեփոխումներն առաջնահերթություն է հռչակել՝ սահմանակից երկրների նկատմամբ ագրեսիվ քաղաքականություն վարելու համատեքստում»,- նշեց վարչապետը:
«Մենք տարածքներ նվաճելու որևէ մտադրություն չունենք: Մենք ագրեսիվ որևէ մտադրություն չունենք։ Մեր մտադրությունը մեր ինքնիշխանությունը և տարածքային ամբողջականությունը պաշտպանելն է: Մենք պատրաստ ենք ակտիվ երկխոսություն սկսել այս օրակարգի շուրջ միջազգային գործընկերների աջակցությամբ, ըստ անհրաժեշտության, նաև ուղիղ շփումների միջոցով»,- ընդգծեց Փաշինյանը։
Մանրամասները՝ տեսանյութում:
