17.12.2025 | 11:33
Տեր Շտեգենը վերադարձել է խաղադաշտ ու մասնակցել «Բարսելոնայի» հաղթանակին․ ՏԵՍԱՆՅՈՒԹ
Facebook-ում և այլ հարթակներում տեղադրված գովազդները հարկվելու են. Փաշինյան. ՏԵՍԱՆՅՈՒԹ
Տնտեսություն
06.08.2021 | 11:43
Հարկային օրենսգրքում ավելացվելու է էլեկտրոնային ծառայություն հասկացությունը, այսինքն` էլեկտրոնային հարթակներում տեղադրվող գովազդները կհարկվեն։ Կառավարության նիստի ժամանակ հայտարարեց ՊԵԿ նախագահ Ռուստամ Բադասյանը` ներկայացնելով «Հարկային օրենսգրքում փոփոխություններ և լրացումներ կատարելու մասին» նախագիծը։
«Խոշոր օնլայն հարթակները (Facebook, Google, Booking, Netflix և այլն), եթե ծառայություններ են մատուցում ֆիզիկական անձանց` գովազդ են դնում, բնականաբար, գումար են ստանում։ Այս դեպքում այդ ընկերությունները Հայաստանին ԱԱՀ են վճարելու»,-ասաց Բադասյանը։
«Այսինքն՝ էլեկտրոնյին հարթակներում տեղադրվող գովազդները պետք է հարկենք, ինչպես անում են աշխարհի առաջատար երկրները: Facebook, Google և այլ հարթակներում գովազդներ են տեղադրված, մենք այդ գովազդներից հարկեր չեք կարողանում գեներացնել, հիմնական խնդիրը մեխանիզմի մեջ է»,- նշեց Նիկոլ Փաշինյանը:
Ռուստամ Բադասյանն արձագանքեց՝ նշելով, որ այդ հարցի լուծումը գտել են. մեխանիզմ է մշակվել, և հստակեցրեց, որ խոսքը ֆիզիկական անձանց մասին է, ոչ թե ընկերությունների ու կազմակերպությունների:
Էկոնոմիկայի նախարար Վահան Քերոբյանը հայտարարեց, որ նախագծի ընդունմամբ ենթադրվում է, որ պետական բյուջեի մուտքերն ամենաքիչը կավելանան 20 մլրդ դրամով։
«Օրենքի նախագծով նաև հավասար մրցակցություն կլինի տեղական և այն դրսի ընկերությունների միջև, որոնք ՀՀ–ում ծառայություններ են մատուցում։ Օրինակ` Yandex-ն ԱԱՀ չէր վճարում, իսկ GG-ն վճարում էր։ Այսինքն` օրենքն ընդունելուց հետո Yandex-ն առնվազն 1 մլրդ դրամի ԱԱՀ կվճարի… Սա շատ լավ օրենք է, շատ ենք չարչարվել սրա վրա և կարծում եմ` շատ մեծ էֆեկտ է ունենալու»,- ասաց Քերոբյանը։
Մանրամասները՝ տեսանյութում:
