30.10.2026 | 19:08
Արծվիկ Մինասյանը և Շուշան Սարգսյանը՝ Մրցակցության պաշտպանության հանձնաժողովի անդամներ
Հայ-ադրբեջանական սահմանին տիրող իրավիճակը կապված չէ ԼՂ հակամարտության հետ․ Զախարովա․ ՏԵՍԱՆՅՈՒԹ
Քաղաքականություն
09.07.2021 | 13:57
Հայ-ադրբեջանական սահմանին տիրող իրավիճակը կապված չէ Լեռնային Ղարաբաղի հակամարտության հետ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Իրավիճակը Ռուսաստանի խաղաղապահ զորախմբի պատասխանատվության գոտում շարունակում է մնալ համեմատաբար կայուն: Առանձին միջադեպերն անհապաղ լուծվում են ադրբեջանցի և հայ գործընկերների հետ համագործակցությամբ: Ռուսաստանի խաղաղապահների դեմ սադրիչ գործողություններ չեն արձանագրվում»,- ասել է նա:
Զախարովան ընդգծել է, որ Ռուսաստանը պատրաստ է նպաստել Լեռնային Ղարաբաղում խաղաղ կյանքի հաստատմանը, ինչպես նաև Հայաստանի ու Ադրբեջանի միջև վստահության ամրապնդմանը:
«Ինչ վերաբերում է սահմանին՝ իրավիճակը հայ-ադրբեջանական սահմանի որոշակի հատվածներում, ուզում եմ շեշտել ևս մեկ անգամ, որ մենք ելնում ենք այն հանգամանքից, որ այն ուղղակիորեն կապված չէ ԼՂ համակարտության հետ, կապված է միջազգային իրավական ձևակերպման բացակայության հետ: Ընդհանուր ֆոնը, անկասկած, սրվում է կողմերի միջև փոխադարձ վստահության բացակայության պատճառով»,- հավելել է նա:
Տաթև Ֆռանգյան
