19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Օլիմպիական կրակը հասել է Տոկիո
09.07.2021 | 13:11
Օլիմպիական խաղերի բացման արարողությունից առաջ, որը պետք է տեղի ունենա հուլիսի 23-ին, Օլիմպիական կրակը հասել է Տոկիոյի պրեֆեկտուրա, գրում է BBC-ի ռուսական ծառայությունը։
Այժմ տեղի կունենա մայրաքաղաքային պրեֆեկտուրայի 62 շրջաններով կրակի փոխանցավազքը․ այն կսկսվի «Կոմաձավա օլիմպիկ» մարզադաշտում, որը կառուցվել է 1964 թվականի Օլիմպիական խաղերի համար։
Հիշեցնենք՝ Տոկիոյի ամառային օլիմպիական խաղերում մրցումները կանցկացվեն առանց հանդիսատեսի՝ կորոնավիրուսի հետ կապված իրավիճակի պատճառով: Այս մասին հուլիսի 8-ին հայտարարել է խաղերի նախարար Տամայո Մարուկավան։
Որոշումը կապված է հուլիսի 12-ից օգոստոսի 22-ը Տոկիոյում արտակարգ իրավիճակ հայտարարելու հետ, որը նախապես համաձայնեցվել էր Ճապոնիայի նախարարների կաբինետի կողմից:
Տաթև Ֆռանգյան
