12.10.2026 | 16:26
«Լիդիան Արմենիան» երկու բնապահպան իրավապաշտպաններից 6-ական մլն դրամ է պահանջում․ միջազգային կառույցների ահազանգը
Բայդենի վարչակազմում կարծում են, որ ՌԴ-ի հետ հարաբերություններում փոփոխությունը ժամանակ կպահանջի
Քաղաքականություն
17.06.2021 | 12:11
Ռուսաստանի և ԱՄՆ նախագահներ Վլադիմիր Պուտինի և Ջո Բայդենի հանդիպումը չի փոխի երկու երկրների հարաբերությունները, բայց Ժնևում ընթացող բանակցությունների տոնը կառուցողական էր: Reuters-ի հետ զրույցում նման կարծիք է հայտնել Բայդենի վարչակազմի ներկայացուցիչը:
«Դա տեղի չի ունենա մատի հարվածով: Որոշ ժամանակ կպահանջվի՝ տեսնելու համար, թե որքանով են հնարավոր համագործակցության այս ոլորտներն իրական արդյունք տալիս»,- ասել է անանուն պաշտոնյան:
Հիշեցնենք՝ Ժնևում տեղի է ունեցել ռուս-ամերիկյան գագաթնաժողովը: Այն անցկացնելու նախաձեռնությունը Վաշինգտոնինն էր: Մինչ հանդիպումը Կրեմլի մամուլի ծառայությունը հայտնել էր, որ Պուտինը և Բայդենը քննարկելու են երկկողմ հարաբերությունների հետագա զարգացման հեռանկարները, ռազմավարական կայունության խնդիրները, ինչպես նաև միջազգային օրակարգի հարցեր՝ ներառյալ կորոնավիրուսային համաճարակի դեմ պայքարում փոխգործակցությունը և տարածաշրջանային հակամարտությունների կարգավորումը:
Տաթև Ֆռանգյան
