30.10.2026 | 19:08
Արծվիկ Մինասյանը և Շուշան Սարգսյանը՝ Մրցակցության պաշտպանության հանձնաժողովի անդամներ
Եթե ուզում եք ձախողված իշխանություն, ընտրեք Փաշինյանին, եթե կոռումպացված բռնապետություն՝ Քոչարյանին. Լևոն Զուրաբյան. ՏԵՍԱՆՅՈՒԹ
Քաղաքականություն
15.06.2021 | 17:56
Մենք կարողացել ենք ճեղքել պայքարի երկբևեռ պատկերը, որը ձևավորվել էր և որի համաձայն՝ այսօր ՀՀ-ում իբրև պայքարում են միայն Ռոբերտ Քոչարյանը և Նիկոլ Փաշինյանը։ Մեզ հաջողվել է այս ընտրապայքարում դառնալ նոր բևեռ։ Այս մասին լրագրողների հետ զրույցում ասաց ՀԱԿ անդամ Լևոն Զուրաբյանը։
«Դատապարտում ենք սոցիոլոգիական կեղծ հարցումների հրապարակումները։ Ակնհայտ է, որ իրականում տրվում են բացարձակապես կեղծ տվյալներ։ Այդ սոցիալական հարցումներն իրականում արտացոլում են ոչ թե քաղաքական ուժերի իրական ընտրազանգվածները, այլ՝ քաղաքական ուժերի ռեսուրսները։ Ով ռեսուրս է դնում սոցիոլոգիական այս կեղծ հարցումների մեջ, նա էլ ստանում է թվեր»,- նշեց Զուրաբյանը՝ հավելելով, որ դա պետք է մերժվի նաև հանրության կողմից, որովհետև Հայաստանում այսօր քաղաքական սոցիոլոգիա գոյություն չունի, ծախու մակարդակիր վրա է գտնվում։
Եթե ցանկանում են ընտրել անմեղսունակ, ձախողված իշխանություն և քաղաքացիական պատերազմ, ուրեմն պետք է ընտրել Նիկոլ Փաշինյանին, իսկ եթե ցանկանում են ընտրել կոռումպացված բռնապետություն և քաղաքացիական պատերազմ, ապա պետք ընտրեն Ռոբերտ Քոչարյանին»,- դիմելով ժողովրդին՝ ասաց Զուրաբյանը:- Եթե ցանկանում եք, որ Հայաստանում տիրի քաղաքական ռեալիզմը, ողջախոհությունը և կայունությունը, ապա ընտրեք ՀԱԿ-ին՝ Լևոն Տեր-Պետրոսյանի գլխավորությամբ»։
