19.11.2024 | 12:19
Բաքուն արձագանքել է ԵԽ-ի՝ ԼՂ-ից տեղահանված հայերի վերադարձի համար պայմաններ ստեղծելու կոչին
Կկտրենք Սյունիքը մնացած Հայաստանին հակադրող ամեն մի ձեռք․ Փաշինյան. ՏԵՍԱՆՅՈՒԹ
Քաղաքականություն
15.06.2021 | 11:36
Թավիշին վերջ դնելու համար անհաժեշտ է, որ ժողովուրդը մեզ տված թավշե մանդատը փոխարինվի պողպատե մանդատով: Այս մասին Սյունիքի մարզի Սիսիան քաղաքում ընտրողների հետ հանդիպմանը հայտարարել է վարչապետի պաշտոնակատար, «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը:
«Շատ տեղերից, ներառյալ Սյունիքից հանելու ենք ժանգոտած մեխերը, տարբեր քաղաքապետարաններում ծվարած դուրսպրծուկներին։ Սյունիքը նրանց համար հայրենիք չէ, այլ մաքսային տերմինալ, իրենց օֆշորային հաշիվները համալրող աղբյուր՝ ատկատներ անելու, ժողովրդի հաշվին իրենց ՍՊԸ-ների հաշիվները լցնելու միջոցով: Պողպատե մանդատով ջարդելու ենք բոլորի հաշվիվները, նրանց բոլոր ՍՊԸ-ները, և այս հանցագործ դուրսպրծուկներին հատ-հատ ծակերն ենք կոխելու:
Այսօր ես չեմ եկել Սյունիք միայն, այսօր Հայաստանի բոլոր մարզերից, բոլոր քաղաքներից ներկայացուցիչներ են եկել Սյունիք, որովհետեւ ժողովրդից մկան նման գողացողները փորձում են Սյունքը հակադրել Հայաստանին, իբր Սյունիքն ու մնացած Հայաստանը տարբեր բաներ են: Դա նրանք անում են «բաժանի՛ր, որ տիրես» կարգախոսի ներքո…
Սյունիքը Հայաստան է այնքան, որքան Երևանը, որքան Գյումրին, որքան Լոռին, որքան Տավուշը, և մենք կկոտրենք ու կկտրենք Սյունիքը մնացած Հայաստանին հակադրելու փորձ անող ամեն մի ձեռք»,- ընդգծեց Փաշինյանը:
Մանրամասները՝ տեսանյութում:
