16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ես խղճացի Նիկոլին, որովհետև բանավեճը կարող էր իր համար ինքնասպանություն լինել. Լևոն Տեր-Պետրոսյան. ՏԵՍԱՆՅՈՒԹ
Քաղաքականություն
07.06.2021 | 17:17
ՀՀ առաջին նախագահ, ՀԱԿ նախագահ, վարչապետի թեկնածու Լևոն Տեր-Պետրոսյանն այսօր ՀԱԿ ընտրական հավաքի ժամանակ մեկնաբանեց, թե ինչու ինքն ու ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը մերժեցին Փաշինյանի բանավեճի առաջարկը:
«Քոչարյանն իր ոճով կամ իր էությամբ շատ հոյակապ պատասխան տվեց, ասաց` ես Փաշինյանին ոչ թե բանավեճի, այլ մենամարտի եմ հրավիրում, ի դեպ, ցանկացած զինատեսակով: Այսինքն՝ պարսատիկից մինչև ատոմային ռումբ:
Ես մերժեցի Փաշինյանին՝ ուղղակի խղճահարությունից ելնելով: Խղճացի, որովհետև այդ բանավեճը Նիկոլի համար կարող էր ուղղակի ինքնասպանություն լինել»,- ասաց Տեր-Պետրոսյանը՝ հավելելով, որ դա ոչ թե իր խոսքն է, այլ Փաշինյանի: Նա հիշեցրեց Փաշինյանի խոսքերը՝ ասված 2009 թ-ին. «Առաջին նախագահը մի ահավոր, շատ վատ «խասյաթ» ունի՝ վերջում միշտ ճիշտ է դուրս գալիս:
Անդրադառնալով Քոչարյանի այն մտքին, թե ԼՂ խնդրի իր տեսլականն արժանապատիվ խաղաղությունն է, Տեր-Պետրոսյանը հակադարձեց, որ դա կարող է լինել միայն արժանապատիվ կապիտուլյացիա:
Մանրամասները՝ տեսանյութում:
