19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Կիպրոսի կոչը՝ Թուրքիային
Քաղաքականություն
22.02.2018 | 16:48
Կիպրոսի նախագահ Նիկոս Անաստասիադիսը քննադատել է Թուրքիային, որ վերջին խոչընդոտում է Կիպրոսի հույներին արդյունահանել կղզում գտնվող գազի պաշարները։ Նա կոչ է արել Թուրքիային վերջ դնել այդ գործողություններին. փոխանցում է EH-ն:
«Թուրքիայի և Կիպրոսի թուրքերի հռետորաբանությունը սխալ և անհասկանալի է։ Դրանք չեն համապատասխանում Կիպրոսի ժողովուրդների շահերին։ Կոչ եմ անում Թուրքիային և Հյուսիսային Կիպրոսին վերջ դնել Կիպրոսի Հանրապետության սուվերենության դեմ ուղղված խախտումները»,-ասել է Կիպրոսի նախագահը։
Նա հայտնել է, որ կղզու բնական պաշարները պատկանում են Կիպրոսի Հանրապետությանը։
Հիշեցնենք, որ թուրքական զորքերը Կիպրոս են ներխուժել 1974 թվականին և զավթել կղզու հյուսիսային մասը:Իսկ 1983թ. նոյեմբերի 15-ին թուրքական կողմը հռչակել է Հյուսիսային Կիպրոսի Թուրքական Հանրապետության անկախությունը: Որպես անկախ պետություն Հյուսիսային Կիպրոսի Թուրքական Հանրապետությունը ճանաչված է միայն Թուրքիայի կողմից: Միջազգային հանրությունը համարում է, որ ՀԿԹՀ-ն Կիպրոսի Հանրապետության օկուպացված տարածքն է։
