24.04.2026 | 23:32
Կապանում ջրանջատում կլինի
Փաշինյանը բազմաթիվ խոստումներ է տվել Ալիևին. գուցե ազգովի կանգնենք ու հեռացնե՞նք նրան. Թովմասյան. ՏԵՍԱՆՅՈՒԹ
Քաղաքականություն
20.05.2021 | 17:17
Փաստաթղթում մատնանշված է, որ մինչև հունիսի 30-ը Հայաստանի, Ադրբեջանի և Ռուսաստանի միջև եռակողմ պայմանավորվածությամբ պետք է ձևավորվեն աշխատանքային խմբեր,որոնք սահմանազատման աշխատանքներ են իրականացնելու: Այս մասին լրագրողների հետ զրույցում հայտնեց ԱԺ պատգամավոր Թագուհի Թովմասյանը՝ անդրադառնալով աղմկահարույց փաստաթղթի հրապարակված մասին:
«Ովքե՞ր կմասնակցեն սահմանազատման աշխատանքներին՝ հիմա չենք կարող ենթադրել: Եվ թե ի՞նչ սահմաններ են գծելու, ինչպես ասում են՝ շան գլուխը թաքնված է այդտեղ… Փաստաթղթի ստորագրման համար ի՞նչ նախապայման կա, մենք ինչ-որ պահանջ դրե՞լ ենք: Եթե նրանք պետք է մնան մեր սահմանից ներս, և մենք ինչ-որ փաստաթուղթ ենք ստորագրում, նշանակում է՝ երկու քայլ հետ ենք գնում»,- ասաց պատգամավորը:
«Նիլոլ Փաշինյանը խոստումներ ունի տված, և հիմա եկել է խոստումները տալու ժամանակը»,- նշեց Թագուհի Թովմասյանը հավելելով, որ իր անհանգստությունը կապված է նրա հետ, թե ինչ խոստում է տրված:
Պատգամավորի դիտարկմամբ՝ անխախտ օրենք կա, որ եթե զինվորը տեսնում է սահմանախախտման դեպք, նա պետք է կիրառի հրազեն։
«Ես կարծում եմ, որ ՀՀ պաշտպանության նախարարը, ԳՇ պետը ոչ միայն պետք է հեռանան իրենց պաշտոններից, ընդ որում օր առաջ պետք է հեռանան, այլ նրանք ընդհանրապես պետք է պատասխանատվության ենթարկվեն, իրենք պետք է կանգնեն դատարանի առաջ, նախ՝ մեր սահմանների այսօրվա անկազմակերպ, մեր պաշտպանության մակարդակի այսքան ցածր լինելու համար»,- նշեց Թովմասյանը՝ հավելելով, որ նրանք պետք է պատասխանատվության ենթարկվեն հայ զինվորին այսքան նսեմացնելու և կրակել-չկրակել որոշում կայացնելու հնարավորությունից նրանց զրկելու համար։
«Գուցե վերահաս վտանգը կանխելու համար պետք է ազգովի կանգնենք ու հեռացնե՞նք Նիկոլ Փաշինյանին: Այս մարդը, ըստ էության, բազմաթիվ խոստումներ է տվել Ալիևին և այդ խոստումները հիմա իրականացնելու խնդիր է դրված իր առաջ, և այդ խոստումները իրականացնելու համար նա պատրաստ է ամեն ինչի, պատրաստ է բոլորիս վրայով գնալ»,- ընդգծեց Թովմասյանը:
Մանրամասները՝ տեսանյութում:
