02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
«Բա ո՞ւր պիտի փոխանցվեր, դեռ խոսո՞ւմ են էդ թեմայով»․ Զարեհ Սինանյանը՝ «Հայաստան» հիմնադրամին փոխանցված միջոցները Կառավարությանն ուղղելու մասին. ՏԵՍԱՆՅՈՒԹ
Տնտեսություն
15.04.2021 | 17:22
Բա ու՞ր պետք է փոխանցվեր։ Լու՞րջ, մարդիկ կան, որ դեռ էդ թեմայով խոսու՞մ են։ Այս մասին այսօր՝ «Հայաստան-Սփյուռք. նոր իրականություն, նոր մոտեցումներ» թեմայով քննարկմանն ասաց Սփյուռքի գործերի գլխավոր հանձնակատար Զարեհ Սինանյանը՝ անդրադառնալով Factor.am-ի՝ Արցախյան պատերազմի ընթացքում «Հայաստան» հիմնադրամին ուղղված միջոցները Կառավարությանն ուղղելու վերաբերյալ հարցին։
«Պատերազմի ժամանակ Սփյուռքը մի քանի ձևով փորձեց օգնել մեզ հաղթել։ Դրանցից մեկը ֆինանսական հոսքերն էին, որոնք իրագործվեցին միակ միջազգային հայկական կառույցի միջոցով, որն ուներ դրա ենթակառուցվածքը․ դա «Հայաստան» համահայկական հիմադրամն էր։ Մենք պարտություն կրեցինք։ Դրանից հտո Սփյուռքը հարցնում է՝ ինչու՞ եք գումարը փոխանցել բյուջե, բայց, իրականում, հետևալ հարցն է տալիս՝ «Մենք ձեզ փող տվեցինք, ինչու՞ պարտվեցիք»։ Ու դա հասկանալի երևույթ է, բայց եկեք չասենք՝ այդ գումարը պետական բյուջե ինչու՞ փոխանցվեց»,- ասաց Սինանյանը։
Մանրամասները՝ տեսանյութում։
Նելլի Մելքոնյան
