29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Հիշեք՝ որտեղից եք եկել, ոնց եք եկել․Փաշինյանը չպատասխանեց «Իմ քայլից» դուրս եկած Գոռ Գևորգյանի հարցին. ՏԵՍԱՆՅՈՒԹ
Քաղաքականություն
14.04.2021 | 12:39
«Որպես հետպատերազմական երկրի խորհրդարանի պատգամավոր՝ ես ամաչում եմ հնչեցված ծափերի համար, որովհետև ունենք հազարավոր զոհեր, չվերադարձած գերիներ, չխնկարկված գերեզմաններ։ Դուք, որպես վարչապետ, պետք է ձեր թիմակիցներին փորձեիք սաստել»,- ԱԺ նիստում, դիմելով ՀՀ վարչապետ Նիկոլ Փաշինյանին, ասաց «Իմ քայլից» դուրս եկած պատգամավոր Գոռ Գևորգյանը։
Հիշեցնենք, որ իշխանական խմբակցության պատգամավորներն այսօր ոտքի վրա ծափահարեցին Փաշինյանի ելույթին։
Ի պատասխան՝ Նիկոլ Փաշինյանը Գոռ Գևորգյանին ասաց․ «Եթե դուք ամաչում եք, որ ՀՀ խորհրդարանական մեծամասնությունը հավատում է ՀՀ-ի և Արցախի ապագային, ապա դա ձեր խնդիրն է։ Ձեր շուրթերից «ձեր թիմակիցներ» արտահայտությունը շատ խորհրդանշական է։ Այդ ո՞նց եք եկել այդտեղ նստել, որտեղի՞ց եք եկել․․․ո՞վ եք»։
Այս խոսքերի վրա դահլիճից ծափեր հնչեցին։ Փաշինյանը շարունակեց․ «Ես հարկ չեմ համարում ձեր հարցերին պատասխանել։ Դուք առհասարակ այդտեղ նստելու և հարց տալու իրավունք չունեիք․․․մի հատ հիշեք՝ որտեղի՞ց ու ոնց եք եկել»։
