11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Եգիպտոսում ՀՀ դեսպանը հանդիպել է Արաբական պետությունների լիգայի գլխավոր քարտուղարի հետ
Քաղաքականություն
07.02.2018 | 17:35
Եգիպտոսում ՀՀ դեսպան Արմեն Մելքոնյանը փետրվարի 7-ին հանդիպեց Արաբական պետությունների լիգայի (ԱՊԼ) գլխավոր քարտուղար Ահմադ Աբուլ Ղեյտի հետ։
Շնորհակալություն հայտնելով ընդունելության համար՝ դեսպան Մելքոնյանն Ահմադ Աբուլ Ղեյտին ներկայացրեց հոկտեմբերի 11-12-ին Երևանում կայանալիք Ֆրանկոֆոնիայի միջազգային կազմակերպության 17-րդ գագաթնաժողովի նախապատրաստական աշխատանքների ընթացքը և գագաթաժողովի շրջանակներում նախատեսված միջոցառումները՝ հույս հայտնելով, որ Կազմակերպությունը գագաթաժողովին ներկայացված կլինի ամենաբարձր մակարդակով:
Ինչպես տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, Ահմադ Աբուլ Ղեյտը և Արմեն Մելքոնյանն անդրադարձան Հայաստան-ԱՊԼ համագործակցության և կայուն երկխոսության խթանման հնարավորություններին, ինչպես նաև մտքեր փոխանակեցին մի շարք տարածաշրջանային խնդիրների շուրջ։
