23.05.2026 | 14:52
ՄԻՊ-ը մեկնարկել է ընտրատեղամասերի մշտադիտարկումը՝ հաշմանդամություն ունեցող անձանց համար մատչելիությունը գնահատելու նպատակով
Իրանը չի ողջունում Թուրքիայի գործողություններն Աֆրինում
Քաղաքականություն
05.02.2018 | 16:42
Իրանի Իսլամական Հանրապետության (ԻԻՀ) արտգործնախարարության խոսնակ Բեհրամ Քասըմին խոսել է Թուրքիայի կողմից Աֆրինում իրականացվող «Ձիթենու ճյուղ» ռազմական օպերացիայի մասին. փոխանցում է EH-ն:
«Այդ գործընթացը (ռազմական գործողություններ-խմբ) նպաստելու է Սիրիայում ահաբեկիչների և անկայանության վերադարձին: Թուրքիայի կառավարությունը պետք է վերանայի իր դիրքորոշումը: Սիրիայի հետ կապված ցանկացած բան պետք է համապատասխանի Աստանայի գործընթացին»,- ըստ թուրքական «Yurtgazetesi» թերթի կայքի՝ ասել է իրանցի պաշտոնյան:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի:
